Help: Slange vang hoenders!

'n Lid van die landou.com-gespreksforum, Karin van Staden, het onlangs aan haar mede-forumlede gevra of daar raad is vir slangaanvalle in hul hoenderhok?

Sy skryf: Ons hoender -/ eierboerdery lei ernstig onder noodlottige ongevalle, ongeveer twee henne gedood per week uit ons nagenoeg 50 ostrolorp en high-line henne, vermoedelik as gevolg van slangbyte.

Ons kry die henne dood in die kampie, geen opsigtelike beserings nie maar sodra rigor mortis intree, word die liggaam styf - behalwe die kop wat slap bly hang en potblou word. Ons probeer ons klein boerdery natuurlik en "free range" hou, so die hoenders is in 'n kampie omhein met diamantdraad +/- 60 vierkant meter groot, met natuurlike plantegroei en bome asook neste en slaapplek. Die kampie is op die werf, digby die huis, en die werf is met elektriese omheining toegespan.

Ons het 'n hele klomp honde op die werf, maar nogtans kom die skuldiges, wat ons vermoed slang se kind is, binne - vermoedelik agter die eiers aan. (Ongelukkig is dit weens omstandighede net moontlik om een keer per dag die eiers uit die neste te verwyder.)

Ons het al heelwat mosambiekse spoegkobras, eiervreters asook pofadders in en om die werf teegekom. Daar is ook van tyd tot tyd rotte en muise maar ons hou dit in beheer deur middle van omgewingsvriendelike rottegif bv racumin. Is daar enige raad?

Theuns van Deventer 'n forumlid, het hierdie raad:

Ek het dieselfde probleem met my voël boerdery, veral ten opsigte van muise en rotte. Ek het (na vele onsuksesvolle probeerslae) vir my 'n elektriese "pest control" installeer (hoe suksesvol dit deesdae gaan wees, weet ek nie) waarmee ek met volle vertroue kan voorstel indien dit geaktifeer bly.

Dis 'n elektriese energie bron wat sowat 3000volt vrystel op 'n enkel kaaldraad, ondersteun deur insolators (dieselfde as wat hul met elektriese heinings gebruik) wat ek om die area om die hokke gespan het, sowat 20mm bokant die grond.

Karin sal des moontlik 'n lae sement (of soortgelyke) muurtjie om die hokke moet moet bou om 'n eweredige oppervlak te kry wat ook sal dien as monteerplek vir die insolators. Die ouer stelsels het met twee drade ('n neutraal en lewendige geleier) gewerk, maar die stelsel gebruik slegs 'n enkel draad en aard selfs op sement.

Die insoleerders is reeds sowat 20mm hoog en laat net die regte gaping oor. Die kanse dat 'n slang onderdeur sal seil sonder dat sy lyf daaraan raak, is baie onwaarskynlik en bo-oor sal sonder twyfel net daar klaar speel met slang se kind. Muise en rotte klim natuurlik oor sulke hindernisse en spring alleenlik as hul gejaag word. Ek het in die eerste week vier rotte, 'n slang en twee paddas tereggestel.

Dit het 'n ingeboude toets-meganisme en daaglikse druk van 'n knoppie sal jou dadelik sê of iets op die lyn lê (aard grond toe). 'n Enkele eenheid kan 'n 1000 meter draad hanteer en kan op meer as een plek beveilig. Die koste (so jaar gelede) was R580 vir die eenheid. Die draad (1mm kaaldraad + insolators) behoort nie meer as 'n verdere R100 te kos nie.

Karen kan Deon Wiett kontak (Randfontein) by 082 223 0178 wat haar kan voorsien.