Kiewiete

foto  www.savoëls.za.net

Ek is eerlik as ek sê dat hulle my koue rillings gee en die hare op my kop laat regop staan. Gelukkig nie al die tyd nie, maar as hulle so op my afduik en hulle snawels vir my klap-klap, as ek dit seker te na aan hul nes waag. Gewoonlik, regop, soos sommige mannetjies wat aan kleinmansindroom lei, stap hulle op en af in die gras. Kyk my wantrouend met ´n skewe kop aan.

Skelm, jy sien nie sommer waar die nes is nie. Al op ´n afstand gaan sit en kyk waar hulle die onderstel gaan intrek en op die nes neersak, nog nie baie suksesvol daarmee nie. Baie skelm en heldhaftig om hul nes te beskerm. Gewoonlik 3 of 4 eiers in die nes. As jy dit nou regtig naby die nes sou waag, gooi hulle daardie afvlerk toneelspel, een vlerk wat sleep en hinkend bly hulle net buite jou bereik, in die teenoorgestelde rigting as die nes. Selfs daardie reguit veer, agter die kop, verlep en hang moedeloos. Ek het al per toeval op die nes afgekom, vir ´n oomblik geskrik vir die vreemde bont eiers. Baie goed versteek in die gras.

Foto: wikipedia

Die kiewiet of die Engelse plover, is ´n voëltjie wat wêreldwyd voorkom. Van die subfamilie Charadriinae. Ek kan glad nie uitvind wat die werklike naam is van die enetjie wat hier voorkom nie, daardie windmaker vere, agter die kop, kenmerkend van hulle.

Mens raak gewoond aan daardie aanvanklike irriterende geskree van hulle,  hulle vervul ´n nuttige rol in die bekamping van ongewenste insekte.

Hasta la proxima