Kirchner regering krisis oppad

Ek vertrou dat dit met julle goed gaan en dat julle die naweek met die lekker rugby geniet het.

Hier by ons gaan dinge goed en dit is glad nie meer so koud as wat 'n mens sou dink nie. Alhoewel die lente eers die 21ste September hier by ons begin - 'n storie vir 'n ander dag - lyk dit asof die somer ons nie gaan laat wag hierdie jaar nie.

Soos wat ek verlede week genoem het skryf ek vandag vir julle oor die vergadering tussen die regering en die landbou-unies laat verlede week.

Dit is werklik interessant op 'n soort van 'n morbiede manier om te sien hoe Crisitna Kirchner se regering op 'n woeste krisis afstuur - sonder rede. Dit is asof die ministers en amptenare nie kan sien hoe om te onderhandel en wanneer om 'n punt te maak en wanneer om meer toegeeflik te wees nie.

Die vergadering het Vrydagmiddag begin en het vir 'n goeie paar uur aangehou. Niemand het verwag dat al die probleme teen die einde van die vergadering opgelos gaan wees nie - net dat daar iewers 'n teken gaan wees van hoop en 'n pad vorentoe.  Die 4 landbou unies was daar gewees, die minister van produksie, die minister van die kabinet maar nie die sekretaris van landbou nie - die President het net vlugtig ingeloer om te groet. Die minimum resultaat was egter nie beskore gewees nie - hoekom nie? Na die vergadering was daar soos gewoonlik twee perskonferensies gewees - een van die regering en 'n ander van die landbou-unies.

Die regering het eerste gepraat. Wat het hulle gesê?
Basies dat hulle die beste besluite neem en nie glo dat dit nodig is om enige iets te verander nie - veral nie aan die uitvoerbelastings op graan nie. Hulle het wel die moontlikheid genoem om vleisuitvoere te vergemaklik vir binnegoed en 7 prima-snitte. Dit sal nou 5 i.p.v. 15 dae neem om 'n uitvoer permit te kry vir beesvleis.

Die landbou-unies het daarna gepraat. Wat het hulle gesê?
Dat hulle glo dat daar twee vergaderings was en dat hulle en die regering duidelik nie by dieselfde een was nie. Volgens hulle het die regering nooit gesê dat hulle die uitvoerbelasting op graan gaan verminder nie maar ook nooit dat dit nie so is nie. Die regering het skynbaar vir meer tyd gevra en gesê dat hulle verstaan dat dit nodig is om hulle landbou beleid aan te pas vir die wêreld van 2008/09 en vorentoe.

Wat is dus die gevolgtrekking wat ons kan maak: Daar gaan binnekort nuwe stakings wees. Vir die meeste van die klein en middelslag boere is hierdie nie meer 'n kwessie van hoeveel wins nie, eerder van hoeveel verlies daar gemaak gaan word. Met die grootste droogte in 'n 100 jaar en geen aanmoediging om te produseer nie het baie mense nie meer 'n keuse as om te protesteer nie.

Die regering aan die ander kant het nêrens meer om geld uit te haal nie aangesien daar 'n massiewe internasionale krisis is wat die uitvoere benadeel en hulle nie