Musiekaand

<!-- @page { size: 21cm 29.7cm; margin: 2cm } P { margin-bottom: 0.21cm } -->

Om mense te beskou en te beluister wat talentvol is, is ´n aangename ondervinding. Soveel meer nog as dit mooi mense is en dit wat hulle doen, mens goed laat voel. Nog beter as dit duidelik is, dat hulle waarlik geniet,  wat hulle doen.

Gisteraand ´n utvoering van die Amadeus Konservatorium van die stad Encarnación bygewoon. ´n Heerlike ondervinding. Ten spyte van die bittere koue wat ons beleef, het dít ten minste die harte baie warm gemaak. ´n Viool kwartet en ´n sopraan, met ´n besondere stem. Pragtig begelei, deur ´n swartkop skoonheid, op die elektroniese klavier. Is daar ´n verskil in klank? Vir iemand wat nie ´n baie goeie oor het nie, is daar nie ´n verskil nie. Dalk sal die kenners die verskil agterkom van so ´n moderne klavier en ´n Steinway vleuelklavier.

Musiek van verskeie Duitse komponiste en ´n ook stukke van plaaslike komponiste was op die program.

Gewens hulle wil net aanhou en aanhou  speel.

Hasta la proxima