'n Ander saak ....

Ons bly seker in een van die pragtigste dorpies in die land, met wonderlike mense. Ons is nie soos meeste stedelinge aan die "hard crime" blootgestel nie, (of nog nie). Ons hoef nie ons deure te sluit nie en kan saans met oop vensters slaap, alhoewel die muskiete hierdie jaar erg is. Ons kinders kan tot laataand nog in die strate speel en ons oues van dae kan veilig voel om vroeg oggend hulle daaglikse stappie te neem. Ons is omring deur die mooiste berge wat elke liewe oggend anders lyk en ander vreugdes bring. Ons is naby die see en Tsitsikamma bos. Vir wat kan mens meer vra? Dit klink soos hemel op aarde! Wel daar is net een ding wat my erg pla en soos 'n hoenderbeentjie in my keel loop vassit en dit is dat mense nie hul neuse uit ander se private sake kan hou nie. Hulle moet altyd grawe en krap, en dan word nog sterte ook aangelas. Wat is nou lekker daaraan