Blogger
Ek ondersteun
Ondersteun nog niemand nie
Volgelinge
Hierdie persoon het geen volgelinge nie.
Vriend
Nog nie vriende gemaak nie.
My Weer
Kaapstad
|
|
|
Sonsopkoms: 7:37
Sonsondergang: 17:47
Kaapstad
| Bygewerk: | 24 May 16:00 IDT |
| Temp: | |
| Druk: | |
| Doupunt: | |
| Humiditeit: | 60% |
| Wind: |
Kaapstad
Peiling
‘n “Rapetizer” asseblief
Ingestuur deur alani op 25 Februarie, 2011 - 15:33
Ek weet nie of dit ‘n gevolg van die vlak van misdaad in ons land was of net plein onkunde nie, maar ek het verstom gestaan toe ek uitvind dat ek onlangs ‘n “Rapetizer” by ‘n funksie bestel het.
Tydens ‘n swierige funksie waar ‘n nuwe handelsmerk vir saad bekendgestel is het ek een van my gunstelinge – ‘n wit grapetizer – bestel om my dors te les. Ek sien die kelnerin kyk my baie skeef aan terwyl sy weer vra “You would like a…?”
Geïrreteerd met die feit dat ek myself moet herhaal, sê ek baie duidelik – “A white Gggrrrapetizer, please”. Met ‘n effense skok op haar gesig kyk die vrou verward na my en skryf op haar notaboek. Die hoek van my oog vang haar notaboekie en my oë wil uitval toe ek die woorde “white rapetizer” daar sien pryk.
Ek het eers gelag oor die ironie agter die saak en het dit met die ander gaste om die tafel gedeel. ‘n SMS van ‘n vriend het my egter laat dink oor hoe ek dié woorde opgeneem het. Die SMS “Ken miskien net rape…” laat my toe met menige gedagtes. (Ek het wel ‘n Appeltizer op die ouend gekry…)
Uit my hart hoop ek nie dat dié arme vrou nét dit ken en by haarself gewonder het – vir wat op aarde sal enige een só iets bestel om te drink nie! Hoewel dit hartseer is om te dink dat daar wel vroue in die land is wat verkragting as deel van hulle verwysingsraamwerk en derhalwe as deel van die samelewing aanvaar…
Sou haar flater weens onkunde wees, is dit hartseer om te dink dat daar mense in ons mooie reënboogland is wat nog nooit aan iets so algemeen as “grapes” (druiwe) of ‘n grapetizer bekend gestel is nie.
In elk geval, ek sal in die vervolg myself mooi uitdruk as ek ‘n koue ‘tizer van enige aard bestel. Én met ‘n traan in die lag dink aan dié vir wie ‘n “Rapetizer” ‘n werklikheid is…
- alani se blog
- 1897 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
God's water oor God's akker, Anena. Dis wel jammer, want skorsie sê net soveel lekkerder as "squash". Dit klink nie na iets wat jy kan platslaan nie.
Jong, ek het darem nou lekker gelag vir hierdie verhaaltjie, maar die ongeluk by die lekker lag is dan nou ook maar so dat mens vandag moet aanvaar dat die samelewing nie meer is wat dit was nie.
Kinders/jongmense se opvoeding laat veel te wense en daarom die verstommende tekortkominge in hul algemene kennis. Ek het self 'n geval beleef waar 'n afrikaanssprekende student wat tans by ons losseer, en ingenieurswese studeer, my vreeslik verward aangekyk het toe ek van 'n skorsie praat. Hy het my gevra wat 'n skorsie is...ek was so uit die veld geslaan, want bid jou aan, hy is ook 'n plaasklong van uit Mpulanga iewers. Toe ek aan hom verduidelik wat 'n skorsie is, haak hy af en se, "O, dis 'n squash!"
Nou ja, sela en god's water oor god's akker, ne?!
Lewer kommentaar. (Jy hoef nie ingeteken te wees nie.)