Nguni/Angus

Goeie dag

Ja jy het reg gelees...Nguni.  Ai en hoe weet ek nie, maar die meederheid mense wou my al stening oor ek met Ngunis boer.

Ek het middel verlede jaar besluit om my pragtige bulle te verkoop en Angusbulle aan te skaf.  Die rede hiervoor is dat ek 'n swaarder kalf wil verkoop, wat dus meer geld in die sak beteken.  Ek het op die Angus besluit oor die Angusbeef projek.  Ek het dus 'n gewaarborgde afset vir my speenkalwers.  

Ek moet toegee dat ek nogal taamlik bekommerd was oor hierdie kruising, want ek het nog nie gehoor van iemand wat hulle kruis nie.  Almal, die vee-arts inkluis, wat en is nogal nuuskierig om te sien hoe die kalwers gaan lyk.  Ek was nogal bekommerd oor die moontlikheid dat die groter kalwers dalk probleme by kalwing kan gee.

Wel my eerste paar kalwers het geval en ek kan darem nou met 'n geruste hart se dat beide die koeie en verse maklik gekalf het, sonder enige probleme sover.  Nou hoe lyk die kalwers is natuurlik die volgend e vraag.

Wel te progtig vir woorde, dit is nou as jy soos ek van 'n bond spul hou.  'n Mens kan duidelik sien dat die moeder 'n Nguni is, want die kenmerkende Nguni kleure is daar.  Die kalwers is definitief frisser en die bene dikker.  Die sterte van al die kalwers is 100% Angus.  Ek wonder nou net hoeveel van die kalwers gaan natuurlike poenas soos die Angusse wees.  Wel die tyd sal maar leer.

En nou soos 'n trotse boer, moet ek ook maar oor my diere spog.  Ek heg dus maar 'n paar fotos aan van die kalwers kort nadat hulle gebore is.