Besoeker, koste per Ha? Hier is baie sulke produkte hier beskikbaar, maar min wat waarde toevoeg aan opbrengs op ekonomiese skaal. Meeste verhoog wel opbrengs, maar na koste is jy weer terug waar jy was. Jacob, net soos met "Biofuels" is daar verskeie verskillende opinies oor geenbewerking. Dit is iets wat mens met een of twee lande kan begin en kyk wat vir jou werk, en hoe dit vergelyk met bestaande metodes.

As die reste gespuit word met SCD Bio Ag voor planttyd, dan sal hul vinner afbreek en meer voeding aan die grond gee, asook die mikrobies vlakke in die grond op bring. SCD Pribiotics word deur Probiokashi (021 865 2832) in SA versprei.

Baie dankie vir die mooi fotos en kommentaar. Dit is 'n onderwerp wat baie van ons deesdae laat kopkrap. Daar was verlede week 'n boeredag in my omgewing waar 'n paar geenbewerkings planters gedemonstreer is en ons 'n baie goeie spreker gehad het wat 'n aanbieding gedoen het oor die invloed van bewerkings op die grondlewe, grondstruktuur en uiteindelik die vrugbaarheid en waterhou vermoë van 'n grondprofiel. Wat duidelik was, is dat elke boer wat die dag bygewoon het sy eie denkwyse het tov. bewerkings en die pad vorentoe op sy plaas. Ek dink die Departement van Landbou moet baie blaam kry vir die onsekerheid wat heers rondom bewerkings. Indien die LNR nog doeltreffend gefunksioneer het en navorsing gedoen het by die Instituut vir Graangewasse en Instituut vir Landbou Ingenieurswese oor verminderde bewerkings en masjienerie in SA toestande, kon ons landbou reeds baie verder gevorder het en beter oeste meer waterdoeltreffend geproduseer het. Ek sien uit daarna om nog fotos te sien en kommentaar te lees oor hoe julle dinge daar benader.