Onkunde teenoor die Landbou

Iewers laas week trek ‘n Mnr Johan Lindeque los op RSG se Facebook, waarsku almal teen melk en verkondig die volgende webblad se bydrae www.notmilk.com/kradjian.html as die wetenskap.

‘n Skryfgeveg ontstaan toe tussen my en die man, wat intussen sy braafheid en kommentaar van RSG se Facebook profiel verwyder het.  Ek sou dit graag in chronologiese volgorde hier wou plaas, maar kan nou nie, want die twak hy kwytraak, het met sy volgende “broeklosmaak” op RSG se profiel gewoon verdwyn . 

Sal poog om die mens iewers opspoor sodat sy blinde wetenskap hier geplaas kan word. Hy moet verantwoordelikheid in die openbaar hiervoor aanvaar. Maar, soos die spook van Nooitgedacht, het hy heeltemal verdwyn…

RSG se Facebook profiel is hier te vinde.    http://www.facebook.com/RSGRADIO?ref=mf#/RSGRADIO?v=wall&ref=mf 

My kort relaas is die volgende, veral vanuit my werk en navorsing, dat Landbou in baie uitdagende tye kos en werk moet voorsien.  Daar is min ondersteuning en begrip van die belangrikheid en kosvoorsiening.

Swak wetenskap, veral wat vleis, melk en bosluise aanbetref, vier hoogty.  Dit kan werklik nie verder toegelaat word dat mense dinge beweer, en nie voldoende bewyse daarvoor kan lewer nie. 

Dalk is daar mense wat dieselfde voel en ook gatvol is vir die nonsens wat mense praat oor die Landbou.  Protesteer.

Pierre van Niekerk