Reëls en regulasies, beheer en ratifikasies

Pasta fabriek

Meer en meer, die reëls en regulasies, hoe die kos geproduseer en verwerk moet word, wat ons, die boer en verwerker, aan die verbruiker moet voorsien. Oorvleueling en duplikasie. Dit mag julle en dít, nie.

GLOBALG.A.P. Vroeër EUREPG.A.P. (Good Agricultural Practices) wat poog om die verbruiker se vereistes aan die boer oor te dra en te sien dat dit nagekom word. Die sertifisering word namens dié organisasie in meer as 100 lande deur goedgekeurde liggame gedoen.

Global Standard se doel is om gemeenskaplike riglyne neer te lê vir eiendomsreg, integriteit en deursigtigheid vir internasionale besigheid en finansies, ook betrokke in die voedselketting.

IFS (International Food Standard) hou hulle besig met die behandeling en prosessering van voedselprodukte, die hantering in massa en wat gebeur tot en met die eerste verpakking.

SQF (Safe Quality Food) is ´n afdeling van die Food Marketing Institute. Hulle poog om voorsieners te oortuig dat hulle kliente voedsel kry wat geproduseer, verwerk, voorberei en hanteer is onder die beste moontlike omstandighede, op alle vlakke van die voorsieningsnetwerk.

GMP (Good Manufacturing Practices) bemoei hulle met die vervaardiging van onder andere ook voedselprodukte.

Nog beheer bestaan in elke moontlike kommoditeit om gehalte en kwaliteit te beheer in oa vleis en suiwel. Die groot waarheid wat hier uitkom, is dat daar steeds ´n oorvloed aan voedsel is. Dat mense wat tred verloor het met die realiteite van die lewe, hulle sienings op die hele samelewing afdwing. Dat hierdie reëls selektief toegepas word om sekere goedkoper produkte uit sekere lande te weer, is ook duidelik. Geen kompetisie word geduld nie en op die end moet die verbruiker onnodig duur betaal.

Wat gaan in miljoene huise aan, waar daar elke dag ´n stryd om oorlewing is, waar higiëniese standaarde, substaandaard is?

Teen dié tyd is dit bekend,  dat sodra dit lyk asof daar ´n voedsel tekort is, dan word al hierdie standaarde drasties verlaag en van baie vergeet.

Hasta la proxima