Rooiwater in Vrede

Die probleem Andries, is dat daar glad nie enige nuwe molukule op die horison is nie. Wat jy doen pas almal wat produkte verkoop soos n handskoen.

groete

Pierre

Hallo Andries.

Mag ek vriendelik vra, ter wille van die gedagtes wat by produsente heers en dit wat aan hulle vertel word, die volgende aan jou vra, hopenlik ook ter wille van die ander lesers se gedagtes wat glo soos jy en hopelik sal deelneem aan die gesprek, die volgende?

1. Dink jy nie dat sou die diere so bestuur het/ent/selekteer dat hul weerstandig was teen rooiwater en galsiek dat dit n beter opsie sou wees nie?

Dink jy nie dat bloubosluise weerstandig kan raak teen die langdurige gebruik van Ivermektiene nie en, nie net hulle nie, ook al die ander interne parasiete wat ook daarteen beheer word? Sal bly wees as jy jou gedagtes sal deel en dan laastens. twee vrae ng asseblief

Is jou vrees vir rooiwater en galsiek jou bewegingsrede vir jou parasietplan? Watter impak het bloubosluise (in die geval) op vleis en melkproduksie en wat van multigasheerbosluise wat nie deur Ivermektiene beheer word nie?

Baie dankie dat jy n leersame stelling plaas.

Pierre

Baie dankie vir jou kommentaar. MK. Ek gaan jou so antwoord. Sou jy eendag n lesing van Prof Horak bywoon, sal jy 2 dinge hoor. Ken jou plaas, ken jou parasiet en 2), die Biologie is nie konstante nie, maar 'n veranderlike en soos ek geskrywe het en Prof woordeliks aangehaal het, "Bosluise is baie slimmer as mense"

Ek het 2 opmerkinge; 1)Die issue in my beskeie mening moet nooit gaan oor rooiwater en of galsiekte nie, as dit nog nie daar is nie, gaan dit daar kom, dit blyk dus n kwessie van tyd met die inkoop van wild en bees en ander diere elders wat wel draers van die siekte gaan wees. Die faktor kan dus met inenting uitbestuur word. Bloubosluise se patogene in hul speeksel wat vleisgroei en voederselopname inhibeer, (tuseen 15-30kg) per speenkalf se koste is die probleem wat verstaan moet word.

Jy noem dat jy elke 4 weke met 'n "pour on" gedip het. Die vraag is hoekom en vir watter bosluise.

Kom ek verduidelik jou my ervaring. 'n Produk soos Deadline was nie in n Koop soos Humansdorp, Alexandria, in Natal, (waar Hluhluwe en die ander ook al koop), dieselfde met Naboomspruit beskikbaar nie omdat dit nie verkoop nie en omdat die produsente van mening is dit werk nie. Dis n ander debat want die gifmaatskappye beskerm hul Kooperasierekening met die dood want die arme verteenwoordigers het nie antwoorde op weerstandigheid vir produsente nie.

Hierdie boere het gemiddeld 40-46 keer per jaar gedip en hulle weeerstandigheidsprofiele wys byna 100% weerstandig.

Van die ouens dip nou 3 -5 keer n jaar in totaal vir bloubosluise en tot 50 dae uitmekaar in hoogsomer vir multigashere, soos bruinoorbosluise met 'n produk wat "nie werk nie". Die adresse en nommer en skrywe is hier gepubliseer. Skakel gerus.

Wat probeer ek in kort vir jou sê in Prof Horak se woorde, "Ken jou parasiet, ken jou plaas". Dit gaan nie oor die parasiet nie, dit gaan oor hoe jy die inligting op jou plaas intrepeteer en bestuur in terme van die klimaat, die parasiete wat van ekonomiese belang is se lewenssiklus, die middels wat jy strategies en voorkomend gebruik om hul lewenssiklus te ontwrig en, die inligting hoe jy dit bestuur, die seleksie van genetika om diere wat parasietweerstandig is selekteer en die opbou van natuurlike weerstandigheid/immuuniteit om die parasiete self te weerstaan.

Jy praat van die inspuitbare groep wat makrolaktone is. Hul sal net op bloubosluise 'n impak he en 'n ongeregistreerde mate op multigashere. Onthou ook net dat die groep waarvan jy praat op interne parasiete nie eierdodend is nie, maar wel die volwasse parasiet bv. (nematodes, breed gestel) se ensieme agter die kaak aanval wat veroorsaak dat die parasiet se energievlakke daal, hy sy houvas los en dan uitgeskei in die veld word, maar die eiers is 21 dae later in ideale toestande fris en vars in L3 stadia opgeneem word. Die spesifieke produk mag dalk nie vir trematodes werk nie, want lewerslak bv. het n ander werking by sy parasitering. Laastens, bruinmaagwurms, sou die bees voldoende 12% goeie opneembare proteien inneem, pas dit die bruinmaagwurm glad nie omdat hy van arm bloedproteiene hou en daarin floreer, maar in proteienryke bloed onderdruk word.

Dus is hier baie stof tot bestuursnadenke in die gebruik van jou makrolaktone in die Ivermektiene groep. Weereens in Prof Horak se woorde, "ken jou plaas, ken jou parasiet"

Al wat ek sê opsommend is dit, 80% van die boer se parasietbestuur moet natuurlike bestuur gegrond wees. Chemie moet minder as 'n 20% rol speel. Dink aan die tyd, arbeid en koste wat jy spaar en die toename in massa by jou diere.

Op al die plase waar ek die bestuur nou doen, neig ons al na 12% toe omdat die parasiete met die omgewing, en die wetenskap en weidingsbestuur, asook hulle weerstandigheid teen alle chemiese groepe gebreek is oor 'n 2-3 jaar tydperk. Heel belangrikste, die bosluise en ander parasiete van die habitat is ongeveer 80% minder by van die plase. Die spul wil ons daar hê, want hulle is nodig en belangrik.

Hierdie gebiede is in die kusstreke van die Oos Kaap, KZN en in die Limpopo streek waar 92-100% weerstandigheid onafhanklik gemeet is.

Baie dankie en baie sterkte. Ek hou van wat jy sê, baie. Ek dink jy moet meetinstrumente instel en toetse wat jou besluitneming en strategie sal bewys.

Laastens, dis die verkoopsmense wat nie hou van wat ek sê nie. Ons moet minder dip, ons omgewing spaar met veral organofosfate, bees en wild beter bestuur en ons moet skoon vleis aan die mark lewer. Hierdie eis gaan binnekort van die verbruiker self afkom en produsente wat hiernatoe kan aanpas, kan in 'n beter onderhandelingsposisie wees vir prys. Wel, die punt is, ek gaan een van die dae my navorsing en modelle aan die Pick en Pays van die wereld asook ander wys en ter wille van my eie oorlewing en die regverdiging van my insette en die geld daaraan gespandeer, die verbruiker help om skoon veldvleis vir sy eie gesondheid te kies. Die vet van veldvleis is baie gesonder en veiliger as voerkraalbeeste wat afgerond is. Daar is geen rede waarom die produsent nie self hierdie voordeel kan bekom nie.

Baie groete

Pierre