Schnapsbrennerei

Die stokou George Fletcher, Derby, Engeland stoomenjin stamp sy silinder met eentonige reëlmaat en blaas stoom soos ´n prehistoriese monster. Die groot vliegwiel help om 300 pk uit te skop , vanaf 1965, hier geland as ´n tweedehandse enjin. Was oorspronklik die hart van die Schnapsfabriek van die Escher bure, nou word hy ondersteun deur verskeie elektriese motors.

Dit is suikerriet oestyd, van ligdag tot laataand is daar lawaai,gedreun en beweging.

´n Aanhoudende stroom van trekkers met waentjies gelaai met gekapte suikerriet, die tradisionele manier van oes. Vragmotors en sleepwaens met suikerriet gesny deur El M onstro. Die selfaangedrewe suikerriet snyer. Onder die hoë dak met sy pilare van die bekende lapacho boom, word dit afgelaai en opgeslurp om deur die rollers te gaan wat elke druppel soet sap uit die riet wurg en dan die vesel uitspoeg.

Vyftien ton per uur, word verwerk, 2 miljoen liter rietspiritus per seisoen.

Hasta la proxima