Soutkrip 2

Geweet dat dit te goed is om waar te wees. Dat hulle my dalk hier in die middel van die land sou los as herinnering aan die beeste wat hier gewei het en die nodige sout wat hulle uit my gelek het. Nee, geen plek eers vir bietjie senitment nie, Weg is jy, jy gaan net in die plek wees van die masjienerie wat moet plant en stroop. Kom daardie ou verslete geel laaigraaf, met sy bakke wat so klop-klop klingel, asof hy uitmekaar gaan val.

Ketting om my buik en pluk my eenvoudig uit die grond. Geen respek nie. Maak my staan hier langs die pad, sommer so skeef onder die eerste en beste boom, waar almal my kan sien en vir my lag. Die eerste sterk wind gaan my dan seker omwaai en is daar op die end niks van my oor nie. Plaas dat hulle my iewers plant waar ek tog weer van nut kan wees. Sout in my bak en die kalwers wat in my skadu kan wag tot hulle moeders klaar gewei het.

Sug....

Hasta la proxima