Tiete vir hanslammers kan lol

Nóg 'n leser kla oor die groot gate in rubber-tiete waarmee hanslammers melk gegee word.

Ek is baie bly om te hoor daar is nog ander mense ook wat kla oor die groot gate van hanslammers se tiete. Dis regtig onmoontlik om 'n klein lammertjie met so groot tiet melk te gee. BKB verkoop 'n tipe latex-tiet wat klaar 'n skroefdoppie op het wat pas op 'n 500 ml koeldrankbottel. Dis heelwat duurder as die gewone rubber-tiete maar behoort 'n hele paar seisoene te hou. Dis ongelukkig net baie hard maar as 'n lam geen ander keuse het nie drink hulle maar al is dit bietjie langtand!

Ek stuur 'n foto saam van 'n soortgelyke hok wat my man aanmekaar geslaan het en dit werk uitstekend. Die pienk tiete kan op die foto gesien word.