Versoek tot "waarborge"

 Iemand skakel my en vra my of ek my werk kan waarborg en of ek bereid is om my "waarborge" te publiseer?  

Die Biologie is lewend, veranderlik en nie eksakt sodat mens absolute waarborge kan gee nie.  Dit vir een.

Ek publiseer dus graag wat my standaard onderneming met die produsente onder my werksaamhede is en, ek word dan graag hieraan getoets, in die openbaar.  

Ek doen hierdie in absolute nederigheid omdat ek net 'n instrument is in die hande van die wetenskap en van baie ander bekende akademici se harde werk gebruik maak om Strategies Geintegreerde Parasietbestuur te kan toepas.

Ek kan nie al my studie data hier publiseer nie omdat dit die integriteit van my studies in gevaar sal stel.  Bloot ook omdat mense gewoon stukkies inligling wangebruik en toepas.  

Daarom is hierdie my standaard openbare onderneming en dit is ek bereid om in die openbaar toetsbaar te maak. Die manier en intrepretasies deel ek nie, dis my werk en intellektuele kapitaal waarvan ek moet oorleef.

Daarom die volgende ondernemings.

Beste Mnr ABCDEF

Jou belegging in my wetenskap en die geld wat jy my betaal moet darem ook gemeet word en na waarde wees.  Ek het oor die 3-jaar van my betrokkenheid by jou 3 doelwitte

1. Om bosluisweerstandigheid op jou plaas heeltemal te breek sodat, jy hopelik in 3 jaar weer enige produk op die mark kan gebruik vir al die bosluisgroepe op jou plaas en dat jy op gemete en getoetste waardes weet dat wat jy doen, wetenskaplik is en effektief is
2. Om die getal bosluise op jou plaas drasties te verminder, sodanig dat ons net bosluisladings wil toelaat waar die bosluise van al die groepe grootliks noodsaaklik sal wees vir die inentingswaarde van hulle byt. 
3. Dat ons wel na die 3 jaar wel sal dip, maar dat dit eerder 'n instandhoudingsdip sal wees en, ook eerder 'n voorkoming van weerstandigheidseleksie-dip sal wees teen die dipstowwe wat ons nou gebruik.  Ons moet ook 'n gelykbreekpunt vind waar dit ekonomies is om te dip, en of nie te dip nie.  Die doelwit is dus om by 'n wetenskaplike bewysbare punt van minimum dip uit te kom.  LW, dit beteken nie "GEEN DIP" nie.

Onthou daarom om vir my die datums te stuur van die kampe of groepe wat jy moet doen, sodat ek dit in my saamgestelde profiel vir wat en hoe ons jou diere wetenskaplik bestuur, kan inwerk.

Het jy moontlik al n kosteberekening gemaak wat jou dip jou kos van die vorige jare?  Sou jy omgee om die kostes en aankope, te verskaf, en hoe jy dit bereken het kan verskaf sodat ons doelbewus die kostes kan meet, vergelyk en afbring. 

Sal jy waardes aan jou tyd, arbeid, risiko en ook verliese kan toeken.

Baie dankie

Pierre van Niekerk

0126674755

0822208386

pierrevn@telkomsa.net