Vra die veearts

Sms die meisietjie van die poskantoor in Melgarejo, dit is die dorpie van die kolonie, my verlede week. As ek van haar ´n sms kry, beteken dit ietwat meer as ´n brief en ek raak opgewonde. Briewe maak my ook opgewonde, maar hulle is redelik skaars deesdae, weens die internet toegang. Weet ek dat dit iets besonders is en ek het ´n snuf in die neus, want Jan, dit is nou Jan Bez van die Landbouweekblad het my een belowe.

My intuisie, nie vroulik nie, was toe reg. My eie persoonlike uitgawe van Vra die veearts. Saamgestel deur die Faffa Malan, bekende rubriekskrywer in die Landbouweekblad oor hierdie sake. Bydraes van baie ander kenners.Begin lees eers die temas wat my interesseer. Voeding, spoorelemente, aanvulling en anatgoniste. Dink dat dit ´n probleem in ons omgewing is. Sien oa die bydraes van Willie Smith, vroeër van ons omgewing en ook skoolmaat. Lees daarna alles, lees lekker, maklike taal wat almal verstaan, amper soos ´n storieboek.

Bevat dalk nie alles nie, maar sien dat dit Wat beesboere moet weet (1) is, die moontlikheid is daar, nog uitgawes lekkerlees uitgawes. Gesels juis met vrind Nico oor die onderwerp van hondsdolheid, kom ons kyk wat sê die nuwe boek, teleurstelling, niks daaroor nie.

Moet hierdie nié as ´n resensie beskou nie. Daarvoor is ek nie opgewasse nie, maar dat dit ´n probleem of wat kan oplos en mense ´n goeie idee oor beesboerdery kan gee, is gewis. Baie dankie, Jan Bez.

Hasta la proxima