Windpompfees

Die jaar se Windpompfees was 'n reuse sukses gewees vir Bosveld Dorperklub.Ons het besluit om 'n "skaapstalletjie" daar te he en ons ras op die fees bekend te stel en te bemark. Een van ons inspekteurs, Raymond Read, het 'n baie interessante praatjie gelewer oor die besonderse skaapras.

Onder 'n groot Army tent het ons klein kraaltjies gehad met ooie ,ramme en lammers. Die skape was so mak gewees dat klein kinders in die kraaltjies hulle kon krap en vryf. Veral die ramme het sommer kromrug en met lepeloog gestaan dat die mooi mammas hulle vryf. Een van die ramme was so uitgevreet gewees dat een vroumens so ewe wou weet wanneer kom die lammertjie dan!!

Verskeie toekomstige boere het kom inligting vra en aangesluit by die Bosveld Dorperklub. Klomp hemde, pette en baadjies met die klub se embleem is verkoop en die boek Dorpers in die nuwe eeu ,wat deur oom Dolf Lategaan geskryf is, is almal opgeraap en verkoop.

Die uitstalling by die Windpompfees was een van die baie projekte wat ons klub die jaar al aangepak het en daar is nog 'n klomp wat kom vir die res van die jaar. Die Bosveld, wat tradisioneel nie as skaapwereld bekend staan nie het egter die klub met die meeste lede in die land!!

 Bosveld groete