Braaiers ding by ekspo mee

Twintig spanne met drie lede elk gaan vanjaar by die Overberg Vrugte en Wyn Ekspo - vanaf 16 tot 18 Oktober - hul braaivernuf ten toon stel in die Villiersdorp tafelronde se braaikompetisie.

Die kompetisie maak deel uit van 'n reeks aktiwiteite wat 'n veteraantrekkerskou, vrugtepak-kompetisie, landbou-uitstallings en -inligtingsessies insluit.

Die wenners van die braaiwedstryd sal met R10 000 huis toe gaan en nog R10 000 sal aan 'n organisasie eie aan Villiersdorp namens die wenners geskenk word. Bekende sterre en persoonlikhede sal die driegang maaltye wat die mededingers sonder hulp van kookboeke opdis beoordeel.

Tree met Agri Mega in kontak vir meer inligting by 028 424 2890 of besoek hul webtuiste by www.agrimega.co.za.

8 Oktober 2008