Brande: 'Ons was gewaarsku'

"Wetenskaplikes het ons 'n paar jaar gelede gewaarsku dat ons weens klimaatverandering brande wat hele dorpe verswelg, kan verwag", sê dr. Freya Mathews van die La Trobe-universiteit in Melbourne. Sy sê die brande was die resultaat van die nuwe klimaat wat deur hoër temperature en 'n laer reënval gekenmerk word.

Sy sê in die Australiese koerant The Sydney Morning Herald die afgelope tyd se verwoestende brande wys die "skrikwekkende gesig van klimaatverandering". Dié brande was maar net die begin van iets wat "ons werklik sal oorweldig as ons nie iets doen nie".

Bron:

The Sydney Morning Herald (The Sydney Morning Herald)

13 Februarie 2009