Dierevoeding

Ek het ‘n klein melkery en wil self voer vir die koeie meng. Ek het mielies, lusern en tef. Wat kan ek nog gebruik en hoeveel?

Ek wil graag lusern plant onder drupbesproeiing, want my water is beperk. Ek het met 2 agente gepraat. Die een sê T-Tape is die beste en die ander een sê druppers met ’n soliede pyp (mikropyp). Sal die grond inval as ek T-Tape gebruik, want dit is die tweede agent se argument. My grond is baie lig, dis nie klei nie. Enige raad is welkom. Baie dankie.

Na al hierdie lekker reën is my plasie oortrek met die kakiebos en rooi veldblommetjies. Dit is so ruig op plekke dat daar geen gras voorkom nie. Hoe kan ek dit beheer of vernietig sonder om my wild skade aan te doen?

Hoe lank neem dit 'n kalf van 80 kg om 'n gewig van 260 kg te bereik? Watter voer en hoeveel daarvan moet die kalf kry as hy op goeie weiding loop? Hoeveel gewig tel 'n kalf per dag op?

Ons weiveld bevat heelwat "jointed cactus" of katjies soos baie mense dit noem. Wat is die beste metode om dit uit te roei? Watter gif is die beste om afgesnyde bome (veral doringbome) mee te behandel om hergroei te voorkom?

Ek soek meer inligting oor hoe om soetgrasveld te bestuur vir optimale veeproduksie

Ek wil met 'n skaapvoerdery begin en wil weet watter skaaptipe is die beste om te voer?

Ons studente van die Pothefstroom landboukollege het inligting nodig oor die volgende onderwerp:
Die chemiese analise van veevoere.
Die vrae wat ons moet kan beantwoord sluit die volgende in:
Hoekom is dit nodig dat voerbestanddele geanaliseer word?
Watter metodes word gebruik?
Wat is die waarde en die betekenis van die toetse?
Enige inligting oor die onderwerp sal baie waardeer word.

Ek het raad nodig i.v.m. die voeding van 'n volrantsoen aan Merinoskape. Ek voer tans 'n mengsel bestaande uit Voermol Corn Candy (25 kg), hawer (160 kg), mielies (40 kg), voerkalk en ammoniumsulfaat (vir ramme) teen 400 g vir droë ooie en 500 g vir dragtige en lakterende ooie. Garsstrooi word ad-lib gevoer. Kan u aandui of dit voldoende is vir onderhoudsvoeding gedurende die droogte? Ek is ook van plan om 'n voermenger aan te skaf om 'n volledige rantsoen te kan meng. Ingesluit in die rantsoen is gras- en hawerstrooi om vermorsing te beperk. Kan u my raad gee oor die samestelling van sodanige mengsel? Let wel dat mielies ingekoop moet word wat ek sover moontlik probeer vermy a.g.v. koste.

Ek het 40 hektaar Sugargraze gesny. Hoe lank moet dit lê voordat ek dit kan baal?