GM-piesang is swambestand

'n Nuwe geneties gemodifiseerde piesang wat in Australië ontwikkel is, is teen Panamasiekte bestand.

Wetenskaplikes in Queensland het die eerste plant van dié soort gekweek en hoop dat dit die land se piesangs teen Panamasiekte kan beskerm. Mnr. Tony Heidrich van die Australiese Piesangkwekersraad sê die siekte is 'n ernstige bedreiging en kan plantasies vinnig verwoes.

Prof. James Dale en sy kollegas het 'n geen in die piesangplant se genome ingeplant wat dit teen die dodelike virus beskerm. "Daar is nie regtig enige vorm van bestryding teen die siekte nie, behalwe weerstandigheid," sê Dale. "As die grond eers besmet is, is dit amper onmoontlik om daarvan ontslae te raak."

Die vrug se voedingstofvlakke is ook verhoog. Daar word gehoop dat dié tegnologie gebruik kan word in lande waar piesangs 'n stapelvoedsel is. Die eksperiment is in 'n kweekhuis voltooi. 'n Proeflopie in die veld begin in Desember.

Bron:

ABC

29 Oktober 2008