Graanpryse help Country Bird

Country Bird verwag in Oktober beter marges by sy rooivleisbedrywe weens laer graanpryse, sê mnr. Robbie Taylor, die pluimveemaatskappy se finansiële direkteur. Hy sê dat marges in die jaar tot Junie laag was weens die kombinasie van stygende graanpryse en verbruikers se plat sakke.

In dié periode het die maatskappy se wins van R98 miljoen tot R16 miljoen gedaal. Die kostes verbonde aan finansiering het tot R27 miljoen gestyg en sy inkomste het tot R1,69 miljard verbeter.

Country Bird het 'n 37,5% aandeel in Silver Blade abattoir bekom en Taylor sê dat, alhoewel die geleentheid om dié bedryf toe te tree vroeg sy opwagting gemaak het, dit 'n goeie belegging teen 'n baie goeie prys is.

Silver Blade beoog om 'n ontbeningsaanleg by sy abattoir te voeg om marges te verhoog en het ook 'n 50% aandeel in Long Iron Metals bekom. Sedert die einde van die finansiële jaar het Country Bird die oorblywende 50% aandeel in Nutri Feeds van Chubby Chicks vir R107 miljoen gekoop om sodoende "sy vereistes vir hoendervoer volledig te beheer".

Bron:

The Poultry Site

Business Report

16 September 2008