Hollanders koop in SA

'n Nederlandse voermaatskappy het begin om klein Suid-Afrikaanse veevoervervaardigers te koop.

Met twee plaaslike ondernemings reeds in die sakkie en 'n derde een wat eersdaags gaan volg, dui dit op vertroue in die land.

Die internasionale De Heus-groep het Horizon Voere in Klerksdorp gekoop. Dit is nog aan goedkeuring van die Mededingingsraad onderhewig. Vroeër het die raad die jawoord vir die koop van Nutrex KZN gegee.

Die buitelandse maatskappy sê hy beoog ook om nóg 'n voermaatskappy in Limpopo te verkry. Verdere beleggings in die plaaslike veevoerbedryf sal in die komende jare volg, want die maatskappy beskou dit is 'n gulde geleentheid vir groei in 'n land waarin hy vertroue het.

Landbouweekblad, 18 April 2008