Inligtingsessies oor Kongo

Boere wat daarin belangstel om in die Kongo (Brazzaville) te gaan boer kan binnekort inligtingsessies bywoon om meer oor dié geleentheid uit te vind. Die eerste inligtingsessie vind in Nigel, Gauteng, plaas op 29 April. Die Wes-Kaap se beurt kom van 4 tot 7 Mei.

Agri Wes-Kaap reël die Wes-Kaapse vergaderings en bepaal nog waar en hoe laat die sessies sal plaasvind. Die inligtingsessies sal landbougeleenthede in die Kongo dek en alle belangstellendes is welkom om vrae te vra.

Toegang tot die sessies is R300 per persoon en teen 'n ekstra R30 sal daar 'n CD met foto's en 'n inligtingsdokument beskikbaar wees. 'n Ete en verversings is ingesluit.

Besprekings sluit op Maandag 27 April 2009. Bel mnr. Gert Rall by tel: 012 991 2194 of 083 261 6031 vir meer inligting of stuur 'n e-pos na agribraz@mtnloaded.co.za.

21 April 2009