Internet blom in SA

Internetgebruik in Suid-Afrika het vanjaar met 12,5% gestyg. Dit is die vinnigste groei sedert 2001, sê die navorsingmaatskappy World Wide Worx. Sowat 4,5 miljoen Suid-Afrikaners gebruik nou die internet, luidens die verslag "Internet Access in South Africa 2008".

Sowat die helfte van dié groei word grootliks aan klein- en middelslagondernemings se aanskaffing van ADSL-verbindings toegeskryf. "Dié styging kom aan die vooraand van die grootste verandering in Suid-Afrika se internettoegang sedert die kommersiële internet in 1994 tot stand gekom het," sê mnr. Arthur Goldstuck, besturende direkteur van World Wide Worx.

Hy praat van die ondersese datakabels wat van volgende jaar tot 2013 in werking sal tree en Suid-Afrika se bandwydte sal verbeter. Die eerste van dié kabels - Seacom - sal volgende jaar in werking tree. Dit het 10 keer die vermoë van die SAT-3-kabel wat deur Telkom beheer word.

Bron:

Die Burger

8 Desember 2008