Landbouweekblad se
landboutoep is al vir amper ’n jaar lank beskikbaar en het reeds verskeie opgraderings ondergaan.
Dié toep, die eerste in sy soort in die landbouwêreld, is deur die Touchlab-span verbonde aan Media24 ontwikkel in oorleg met die span van
Landbouweekblad. Die toep is in September verlede jaar beskikbaar gestel op die iPad en is sedertdien amper 5 000 keer afgelaai.
Die afgelope paar opgraderings het daarop gefokus om nuwe funksies van Landbou.com se produkte by die toep in te sluit. Van dié produkte is die webwerwe BoerSoek, Geklassifiseerde Advertensies en die Vra die Kundiges-afdeling van Landbou.com. Die spoed van die toep is ook aansienlik verbeter.
Die ontwikkeling van
die toep gaan steeds voort en die behoeftes van gebruikers bepaal hoe die toep ontwikkel sal word. Onder gebruikers van die toep tel die skrywer Deon Meyer, die sakeman Johann Rupert en die landbou-ekonoom Johan Willemse.
Indien jy die toep gebruik, wil ons graag weet of jy ’n herverpakte iPhone-weergawe of dalk ’n Android-weergawe sal wil gebruik? Watter funksie van die toep gebruik jy die meeste en waar dink jy kan dit verbeter word? Lewer hier onder kommentaar of stuur ’n e-pos na
cornelia.vdmerwe@landbou.com.
