’n Digitale kamera en ’n wegbreek-naweek is op die spel in die kompetisie. Die fees word op 28 en 29 September op Vaalwater gehou. Hierdie fotowedstryd is deel van die lekker verrigtinge. Enige Suid-Afrikaner mag daaraan deelneem, behalwe mense verbonde aan die feesbestuur, borge en Media24.

Verder kan enige fotograaf of amateurfotograaf begin foto’s neem van iets op die plaas, hetsy die wildbedryf of die algemene landbousektor.

Die pryse is ’n digitale kamera en ’n gratis naweek met die komplimente van Blinkwater Lodge. Die beste foto’s sal in Landbouweekblad gepubliseer word.

Inskrywings moet in elektroniese formaat gestuur word aan vaalwaterwildsfees@mail.com. Dit moet die beoordelaars voor die aanvang van die wildsfees bereik. Mnr. Jan Horn kan by sel 081 509 3066 vir nadere besonderhede gebel word.