Landbouweekblad bied van 1 Junie tot 17 Augustus ’n Boerpotkompetisie waarin lesers groot pryse kan loslaan.

Die kompetisie bestaan uit drie opeenvolgende dele wat elk oor vier weke sal strek. In elke Boerpotkompetisie kan R20 000 kontant en vele ander pryse gewen word. Daar is ook in elke week se blad afsonderlike sms-pryse om te wen.

Só kan jy wen:
In die eerste aflewering van elke kompetisie sal daar ’n speelkaart in die tydskrif ingevoeg word. Daarop is plek om vier plakstukke te plak. Oor die vier weke sal die vier plakstukke op die Boerpot-blad verskyn wat dan uitgeknip en op die speelkaart geplak moet word.

Moet dus nie jou Landbouweekblad vanaf die uitgawe van 1 Junie misloop nie!
Deelnemers kan aan die einde van die vier weke hul speelkaarte voltooi en dit na Landbouweekblad pos by Posbus 653280, Benmore, 2010. Drie gelukkige finaliste sal getrek en aangekondig word.

ʼn Trekking sal plaasvind waarin een van die finaliste die R20 000 kontantprys sal wen. Die ander twee finaliste sal elk ’n gereedskapstel wen.

Elke week word ook ’n SMS-kompetisie aangebied waarin nóg pryse op die spel is. Lesers kan net die gegewe kode na die gegewe nommer SMS.

Kompetisiereëls:
Die kompetisie se sluitingstye is:
Boerpot 1: 2 Julie 17:00
Boerpot 2: 30 Julie 17:00
Boerpot 3: 27 Augustus 17:00

Geen afskrifte of fakse sal aanvaar word nie. Die wenners sal lukraak gekies word uit alle inskrywings wat ons ontvang en in kennis gestel word. Die aanwysing van die wenners is finaal.

Wenners sal gevra word om hul name en foto’s te laat publiseer. Bewys van identiteit moet op versoek gelewer word. Pryse is nie oordraagbaar nie. Geen werknemers en hul gesinne van Media24, Megaprom en die borge mag deelneem nie.

Media24 en ander borge is nie verantwoordelik vir enige eise wat uit deelname aan die kompetisie kan spruit nie. Kontantpryse sal binne ’n maand ná ontvangs van die nodige dokumentasie ontvang word. Nie-kontantpryse sal by die wenners afgelewer word. Wenners sal telefonies verwittig word.

28 Mei 2012