Bestryding van riete

Ek het 'n kanaal wat toegegroei is onder riete. Hierdie kanaal loop egter in 'n dam in waar daar vislewe, paddas ensomeer is. Ek moet die kanaal skoon kry sodat die watervloei kan verbeter na die dam toe. Watter onkruiddoder kan ek gebruik om die riete te bestry sonder om die omgewing skade aan te rig. Jaco

Riete word normaalweg met glifosaattipe onkruiddoders behandel en daar is verskeie wat wel daarvoor geregistreer is en wel sodanig aangewend mag word. Glyphosate 360 (bevat glifosaat isoprpopielamiensout 360 gram per liter, registrasienommer L4756) sal die riete onder beheer bring.

Die riete moet aktief groeiend wees en best tyd vir aanwending van die onkruiddoder is begin van die somer. Volg die etiket vir die korrekte dosering en gebruiksaanwysings. Hierdie formulasie van glifosaat sal nie skade aan akwatiese organisems aanrig as die produk volgens etiketvoorskrifte aangewend word nie.

Geskryf deur dr. Gerhard Verdoorn van die Griffon Gifinligtingsentrum.

2 Februarie 2012

30 Januarie 2012

1638 keer gelees | 1 kommentaar