Beste skaaprasse om te voer

Voordat besluit word op watter tipe skaap die mees ideale is, moet daar vasgestel word wat die spesifieke verbruikers verkies en waar die lammers bemark gaan word omdat dit 'n invloed op die skaapras kan hê. 'n Tweede aspek wat belangrik is, is watter tipe lammers is in die nabyheid van die voerkraal teen relatief billike pryse beskikbaar, want vervoerkoste kan 'n groot uitgawe word indien lammers 'n ver afstand vervoer moet word. Langafstandvervoer plaas groot stres op die lammers wat hulle voerkraalprestasie benadeel.