Jy is hier: Kundiges / Dierevoeding / Brakwater-vir-vee

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 17:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Brakwater vir vee

Ingestuur deur Onbekende besoeker op 24 Mei, 2010 - 08:00

Vraag

Ek boer met bees in 'n area waar ondergrondse water baie sout is. Die gevolg is dat ons boorkostes honderde duisende beloop voor daar soet water gevind word.
Uit ondervinding het ek egter al agtergekom dat bees oor die algemeen water kan drink wat ongeskik is vir menslike gebruik. So ook het ek gesien dat jou Bos Indicus rasse ook minder vatbaar is vir sout/brak water as jou Bos Taurus rasse.

My vraag aan u is nou watter riglyn ek kan gebruik om te weet of ek boorgatwater kan gebruik vir beesboerdery al dan nie. Wat is die maksimum dele per miljoen sout/brakwater wat 'n bees kan drink?

Dis ’n nuwe plaas in ‘n verafgeleё deel in Afrika, so my logistiek laat dit nie werklik toe om bees af te laai op die plaas en elke keer die uitwerking van die water op 'n fisiese bees te toets nie. Ek moet eers my water & infrastruktuur regkry voor ek my bees kan inbring.
Ek sal u hulp in hierdie deel baie waardeer.
Vriendelike groete
Boer-in-Afrika

Antwoord

Deur: Dr. JASPER COETZEE

Dit is bekend dat diere wel water kan drink wat ongeskik vir menslike gebruik is. Indien die water egter te brak is (te hoë konsentrasie van sekere soute bevat), kan dit aanleiding gee tot 'n verlies aan aptyt; diarree; voortdurende dors; vertraagde groei; agteruitgang in kondisie; verlaagde produksie en verlaagde vrugbaarheid (Van der Merwe & Smith, 1991). Afwykende aptyt kom voor as groot hoeveelhede kalsium, magnesium en sulfate ingeneem word. Te hoë kalsium-, swawel-, yster- en molibdeeninname gee aanleiding tot verlaagde spoorelementabsorpsie weens hulle antagonistiese werking. Dit gee op sy beurt tot tipiese spoorelementtekortsimptome aanleiding.

Die belangrikste faktor wat die geskikheid van water vir diere bepaal, is die konsentrasie van die opgeloste soute daarin. Markwick (2007) gee die verdraagsaamheid van die totale oplosbare soute in drinkwater vir beeste aan as 4000 mg/liter met 'n maksimum van 5000 mg/liter. Die maksimimum konsentrasie wat veilig is vir 'n kort periode is 5000 tot 10000 mg/liter. Wanneer die opgeloste soute in die drinkwater hoog is, is dit dikwels nodig dat die lekke se samestelling aangepas word om eerstens te verhoed dat die diere nog meer soute inneem en tweedens om te verseker dat die diere voldoende lek inneem. Indien die drinkwater te veel sout (natriumchloried) en swawel bevat, word die lekinname onderdruk.

Vir besonderhede van hoe en waar om watermonsters te laat ontleed, kontak dr. James Meyer by james.meyer@up.ac.za. Watermonsters word na verskillende laboratoriums gestuur en uit die resultate sal aanbevelinge oor die geskiktheid van die water gemaak kan word.

Geskyf deur: dr. Jasper Coetzee, Tegniese Direkteur, Voermol Voere (jasperco@iafrica.com)

21 Mei 2010