Byvoeding vir skraal koeie na kalwing
Ingestuur deur Onbekende besoeker op 15 November, 2011 - 14:37
Vraag
Ek het 10 koeie wat nou in die Suid-Kaap gekalf het. Hulle kondisie is redelik af as gevolg van minder weiding in die somer. Watter byvoeding (mengsel) kan ek hulle voer om kondisie op te tel. Wag om van julle te hoor. Baie dankie.
Antwoord
Deur: DR. JASPER COETZEE
Indien die weiding droog is, moet daagliks 1.5 kg Voermol Produksielek per koei gevoer word. Indien dit onvoldoende blyk te wees, kan die volgende kragvoermengsel teen ongeveer 3 tot 4 kg per koei per dag gevoer word. Indien voldoende ruvoer (weiding) nie beskikbaar is nie, moet goeie gehalte hooi addisioneel bygevoer word.
200 kg Voermol SB 100
50 kg Voermol Procon
75 kg Voermol Melassemeel
675 kg gemaalde mielies
1 000 kg TOTAAL
Wanneer dit onbemeste groenweiding is, moet Voermol Supermol teen 1.2 kg per koei per dag gevoer word. Op bemeste groenweiding kan 1 kg Voermol Molovite per koei per dag gevoer word. Indien die koeie nie na wense op Voermol Supermol en Molovite presteer nie, kan dit om die helfte met mieliemeel gemeng word en teen dubbel bogenoemde aanbevole peil gevoer word.
Wanneer koeie met of net na kalf skraal is, gaan dit 'n negatiewe invloed op die besetting hê. Om 'n hoë besetting te verseker, moet alle skraal koeie en eerstekalfverse vanaf minstens drie weke voor die aanvang van die paarseisoen vir ongeveer 63 dae een van bogenoemde aanvullings, wat onder die spesifieke omstandighede die geskikste blyk te wees, gevoer word.
Geskryf deur: dr. Jasper Coetzee, Tegniese Direkteur, Voermol Voere (jasperco@iafrica.com)
15 November 2011
Addisionele dokument
- 1087 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
