Domsiekte, melkkoors en magnesiumtetanie

Ek het probleme met melkkoors by veral tweelingooie wat in 'n intensiewe stelsel bestuur word. Daar is ook heelwat geel lammers. Die skape word 'n mengsel van Maxiwol, landelek, Procon, melassemeel en mielies gevoer. Die mengsel bevat 5 kg voerkalk per ton. Ruvoer is goed bemeste oulandsgras. Tans spuit ek die ooie met kalsium. Kan ek dit met voeding regstel?

Drie metaboliese siektes kan by laatdragtige en lakterende ooie voorkom wat voedingsverwant is, naamlik domsiekte, melkkoors en magnesiumtetanie. Hierdie drie siektes is baie nou verwant en ontstaan weens 'n voedingstofwanbalans en/of -tekort. Al drie siektes kan deur die volg van die korrekte voeding- en bestuurspraktyke reggestel word. Skaapprodusente wat probleme met een of meer van hierdie siektes in hulle kuddes ondervind, word aangeraai om direk met dr. Jasper Coetzee (083 386 83 82 of jasperco@iafrica.com) in verbinding te tree sodat hy eers 'n diagnose van watter siekte voorkom, kan maak. Verder moet sekere voerontledings gedoen word voordat die probleem reggestel kan word. Sekere bestuurspraktyke, asook ongure weer kan ook hierdie siektes "trigger," maar die primêre oorsaak word deur voeding geïnduseer.

21 Julie 2012

2193 keer gelees | 0 kommentaar