Jy is hier: Kundiges / Dierevoeding / Potch-lek-vir-skape

Nuus

As dringende herstelwerk nie binnekort by die Landboukollege Potchefstroom begin nie, kan regsoptrede volg, aldus AfriForum.

Lekkerlees

My Weer

Kaapstad

Sondag
Gedeeltelik bewolk
Hoog:24 C
Laag:14 C

Maandag
Sonskyn
Hoog:25 C
Laag:16 C

Dinsdag
Sonskyn
Hoog:25 C
Laag:17 C

Sonsopkoms: 6:17

Sonsondergang: 19:41

Kaapstad

Bygewerk:	12 Feb 08:00 IST
Temp:
Druk:
Doupunt:
Humiditeit:	94%
Wind:

Kaapstad

Peiling

Potch-lek vir skape

Ingestuur deur Onbekende besoeker op 29 Augustus, 2010 - 11:43

Vraag

Ek gebruik jare lank al Potch-lek by my beeste met baie goeie resultate. Ek het by my pa geleer dit word ook kwart-kwart lek genoem a.g.v. die samestelling. Die lek bestaan uit 1 kwart mieliemeel, 1 kwart sout, 1 kwart dikalsuimfosfaat en 1 kwart ureum. Alles moet baie goed fyn gemaak word en baie goed gemeng word.

Beeste moet ook eers gewoond gemaak word aan die lek deur die ureum te verminder en dit dan mettertyd meer te maak.

Ek wil nou baie graag die volgende weet.
1. Kan die lek ook effektief vir Dorperskape gebruik word?
2. Is dit nog steeds die mees ekonomiese lek?

Baie dankie. Paul Ackermann

Antwoord

Deur: Dr. JASPER COETZEE

Die Potch-lek is 'n ou generasie lek. Daar is tans baie beter lekke wat baie beter en meer koste-doeltreffende response gee.

Hierdie lek moet onder geen omstandighede vir skape gebruik word nie, want weens sy hoë ureuminhoud is die risiko vir ureumvergiftiging baie hoog. 'n Skaap is nie 'n "vleisbees" nie, maar 'n "melkkoei." Indien 'n Dorperooi 'n tweeling soog en haar melkproduksie per kilogram liggaamsmassa word omgewerk na dié van 'n melkkoei, moet 'n melkkoei 30 kg melk produseer om die ekwivalente melkproduksie van die ooi te handhaaf. Met ander woorde 'n skaapooi moet 'n soortgelyke "suiwelmeel" as 'n melkkoei kry.

'n Dorperooi moet die volgende deurvloeiproteïenlek gedurende laatdragtigheid (300 tot 400 g/ooi/dag) en laktasie (400 tot 500 g/ooi/dag) gevoer word: 250 kg Voermol Maxiwolkonsentraat + 200 kg gemaalde mielies + 50 kg sout).

Droë ooie moet op volop goeie gehalte droë grasveld een van die volgende onderhoudslekke (100 – 180 g/ooi/dag) gevoer word:

(1) Rumevite Ekonolek (klaargemeng);

(2) Winslekmengsel [250 kg Voermol Winslekkonsentraat + 50 kg gemaalde mielies, heel garspitte of Voermol Melassemeel + 100 kg sout;

(3) Voermol Proteïenblok.

Indien die veld van 'n lae gehalte is of die veld skaars is of die ooie skraal is, moet droë ooie een van die volgende produksielekke (250 tot 350 g/ooi/dag) gevoer word:

(1) 700 kg Rumevite Ekonolek + 300 kg gemaalde mielies of heel garspitte;

(2) 400 kg Voermol Winslekkonsentraat + 400 kg gemaalde mielies of heel garspitte + 150 kg sout;

(3) Voermol Energieblok;

(4) Voermol Produksielek;

(5) Voermol Maxiwol Produksiekorrels.

Op volop goeie gehalte groenweiding kan 'n P6-lek (meng 50 Rumevite P12 met 50 kg sout) teen 17 tot 40 g/ooi/dag aan droë ooie gevoer word. Indien die droë ooie skraal is of vir middragtige ooie, kan op groen aangeplante weiding Voermol Molovite teen 200 g/ooi/dag en op groen natuurlike veldweiding Voermol Supermol teen 250 g/ooi/dag aangevul word om die voorgeskrewe massatoenames te handhaaf. Indien die voorgeskrewe massatoenames nie met hierdie lekke op groenweiding gehandhaaf kan word nie, moet dit om die helfte met gemaalde mielies of heel garspitte gemeng en teen onderskeidelik teen 400 en 500 g/ooi/dag gevoer word.

Geskryf deur: dr. Jasper Coetzee, Tegniese Direkteur, Voermol Voere (jasperco@iafrica.com)

29 Augustus 2010