Menu

Skape op aangeplante weiding

Vraag:

'n Boer van Upington wil meer leer oor skape op aangeplante weiding en hul voeding.


Antwoord:

Vraag:

Ek boer in die Upington-omgewing. Ek doen vloedbesproeiing op my weiding. Ek het Vleismerinos wat twee ure in die oggend en weer twee ure in die middag op die aangeplante weiding loop. Hulle bly die res van die dag in die kraal waar hulle lusern kry. Wat is die beste lek waar ek mielies en lusern kan gebruik en hoe gereeld moet ek hulle doseer? - Johan Herman (boertjie.johan@gmail.com)

Antwoord:

Dit is nie 'n algemene praktyk om ruvoer (d.i. lusern) in 'n lek in te sluit nie. Wanneer bestanddele soos mielies en ander konsentrate met lusern vermeng word, praat ons van 'n volledige rantsoen. 'n Ander probleem is dat indien lusern in 'n lek ingemeng word, is dit baie moeilik om die inname te beheer, al word sout bygevoeg, omdat die sout skei van die lusernpartikels en dus vreet die skape dan selektief.

Om 'n sinvolle aanbeveling te doen, moet ek weet of die ooie droog, vroeg, mid- of laatdragtig of lakterend is, want die ooi se voedingbehoeftes verskil gedurende hierdie fidiologiese stadiums en gevolglik moet die leksamestelling ook.

Daar is twee opsies vir laatdragtige en lakterende ooie. Eerstens voer die lusernhooi eenkant ad lib en voer die ooie vanaf ses weke voor lam (300g - 400g/ooi/dag) asook gedurende laktasie (400g - 500g/ooi/dag) van die volgende lek:

  • 250 kg Voermol Maxiwolkonsentraat
  • 200 kg Gemaalde mielies
  • 50 kg Sout
  • 500 kg TOTAAL

    Die tweede opsie is om 'n volledige lammerooirantsoen te maak. Hierdie rantsoen se inname moenie 2.5kg/ooi/dag oorskry nie, want dit kan tot ureumvergiftiging aanleiding gee. Hierdie rantsoen moet in bakke gevoer word met voldoende vreetspasie sodat al die ooie gelyktydig kan vreet. Voer die helfte in die oggend en die ander helfte laatnamiddag. Moenie selfvoerders gebruik nie, want dan gaan die ooie hulle oorvreet en kan hulle van ureumvergiftiging of asidose (suurpens) vrek.
     

  • 375 kg Gemaalde lusern (25 mm-sif)
  • 350 kg gemaalde mielies
  • 80 kg Voermol Melassemeel
  • 150 kg Voermol Maxiwol
  • 50 kg Voermol Procon
  • 1 005 kg TOTAAL

    Vir alle ander ooie (droë, vroeë en middragtige ooie) kan lusernhooi eenkant ad lib gevoer saam met 250g - 400g/ooi/dag van die volgende lek:

  • 200 kg Voermol Super 18
  • 200 kg Gemaalde mielies
  • 50 kg Sout
  • 450 kg TOTAAL

    'n Ander opsie vir droë, vroeë en middragtige ooie is om die volgende 'n volledige onderhoudsrantsoen teen maksimum 3.5kg/ooi/dag te voer:

  • 625 kg Gemaalde lusern (25 mm-sif)
  • 250 kg gemaalde mielies
  • 120 kg Voermol Super 18
  • 995 kg TOTAAL

    Kontak een van die plaaslike verteenwoordigers van 'n farmaseutiese maatskappy om 'n doseerprogram uit te werk.

     

  • Geskryf deur: dr. Jasper Coetzee, Voermol.

    8 Julie 2008

8 Julie 2008

4992 keer gelees | 1 kommentaar

Kommentaar
Slegs in Afrikaans


chris

2013/06/26 12:53:07 PM

Wil graag met skape in Frankfort op aangeplante weiding sit wat ?kan 2twee hektaar besproei en ander op droe land wat kan ek daar plant?

Naam Kommentaar
E-pos
Tik in die nommers  

Vind jou perfekte maat nou!

Ek is 'n:
Stel belang in:
Ouderdom: tot
Huidige
Ligging:
Wys net profiele met foto's

Teken in vir die nuusbrief

Teken in op Landbou se weeklikse nuusbrief deur jou e-posadres hier in te vul.

Lewende Hawe

Soort 08/04/14 15/04/14 %
Beesvleis A2/A3 3415c 3422c down 0.2
Speenkalf (lewend) 1723c 1719c down -0.2
Skaapvleis A2/A3 4638c 4636c down 0
Varkvleis (gem. prys) 2136c 2119c down -0.8
Braaikuikens 1712c 1721c down 0.5

Aandele

  • Namibiese Elite-koei: Bonsmara

    Funksioneel doeltreffende diere wat oral in alle toestande kan produseer, is die doelwit van mnr. Edward Hansen van Okahandja.

  • Sussex se Elite-koeie

    Met sý Sussex-beeste moet kommersiële boere op die veld wins kan maak, sê mnr. Chris Nel van Petrus Steyn.

  • Beefmasters se Elite-koei

    Mnr. Piet Human van Steynsrus se Beefmasters is die resultaat van die familie wat al 150 met beeste in die Vrystaat boer.

  • Drakensbergers se Elite-koei

    Jou oë kan vir jou jok, maar nie syfers nie, sê mnr. Edwin Schroeder van Dundee, eienaar van die Elite-koei in die Drakensberger-ras.