Jy is hier: Kundiges / Dierevoeding / Weitydperk-vir-skape-op-groenvoer

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 17:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Weitydperk vir skape op groenvoer

Ingestuur deur Onbekende besoeker op 26 Junie, 2010 - 18:15

Vraag

Ek sal graag wil weet wat die aanbevole tydperk (ure) vir skape moet wees op groenvoer (raaigras, radys) per dag om kondisie te behou gedurende wintermaande.

Antwoord

Deur: Dr. JASPER COETZEE

Die normale aanbeveling is minstens een tot 1½ uur per dag waarna hulle na die droë veld met 'n onderhoudslek gaan.

Op volop droë weiding kan een van die volgende onderhoudslekke (100 tot 180 g/ooi/dag) voorsien word:

(1) Rumevite Ekonolek (V11147).

(2) 250 kg Voermol Winslekkonsentraat (V17865) + 50 kg gemaalde mielies, heel garspitte of Voermol Melassemeel (V1995) + 100 kg sout.

(3) Voermol Proteïenblok (V10448).

Indien die droë weiding skaars is of as die aanbevole onderhoudslekke nie die voorgeskrewe massatoenames, veral in die geval van jongooie, handhaaf nie, kan een van die volgende produksielekke (250 tot 350 g/ooi/dag) voorsien word:

(1) 700 kg Rumevite Ekonolek + 300 kg gemaalde mielies of heel garspitte.

(2) 400 kg Voermol Winslekkonsentraat + 400 kg gemaalde mielies of heel garspitte +
150 kg sout.

(3) Voermol Energieblok (V11456) of Voermol Produksielek (V10108) of Voermol Maxiwol Produksiekorrels (V15415).

Indien die diere nie met bogenoemde lekke hulle kondisie handhaaf nie, moet die weityd verleng word. Laatdragtige en lakterende ooie moet langer weityd (minstens 3 ure) toegelaat word met 'n Maxiwollek (200 kg Voermol Maxiwolkonsentraat + 250 kg gemaalde mielies + 50 kg sout) teen 300 tot 500 g/ooi/dag. Indien die ooie se melkproduksie nie na wense is nie moet die weityd verleng word.

Geskryf deur: dr. Jasper Coetzee, Tegniese Direkteur, Voermol Voere (jasperco@iafrica.com)

25 Junie 2010