Emoe, Skape of Bokke ?

Ek moet eerstens bieg dat ek al foto's van emoes gesien het maar nie 'n idee het hoe die ekonomie van so 'n boerdery inmekaar steek nie. As dit nie maklik gesteel kan word nie is dit egter al klaar 'n pluspunt. Die 4 ha hoewe is baie klein om op te boer. Ek gaan dus op die 366 ha fokus omdat ek aanneem dat jy ekstensief daarop kan boer, veral as jy deeltyds wil boer.

Nr een by enigiets waarmee jy wil boer is om te kyk of jy 'n mark kan skep vir jou produk. So emoes, skape of bokke kan aldrie werk as jy 'n mark daarvoor het. Dan moet jy uiteraard kyk watter een se som klop die beste. Laastens moet jy kyk watter faktore jy nie sal kan beheer nie om jou begroting te laat klop. As diefstal dus op een van die alternatiewes jou kan pootjie, moet jy voorkeur gee aan dié een wat dit nie het nie. Kyk ook na ander faktore soos vrektes wat dalk die som kan beïnvloed.

Geskryf deur dr. Philip Theunisen philip@computus.co.za  

31 Augustus 2010