Verlore transport-akte
Vraag:
Ek het 2 jaar terug 'n erf gekoop en het so 'n paar maande terug my transportakte by die bank ingegee saam met ander papier om aansoek te doen vir 'n huislening (om een te bou) Nou weet hulle egter nie waar die dokumentasie is nie!!
Waar en wie kan ek kontak vir 'n afskrif van my transportakte? Die erf is in Kuruman in die Noord-Kaap
Antwoord:
Indien jou oorspronklike transportakte verlore geraak het, moet jy in terme van Regulasie 68 van die Registrasie van Akteswet 47 van 1937 by die Aktekantoor in wie se gebied die eiendom geleë is aansoek doen vir ‘n afskrif wat die verlore transportakte vervang.
Jy sal daarvoor ‘n Aktebersorger (prokureur wat in akteswerk spesialiseer) moet raadpleeg om die proses vir jou te doen. Die koste daarvan gaan R350,00 beloop wat aan die aktekantoor betaalbaar is en die prokureur se koste gaan ook ongeveer R500, of selfs meer, plus BTW beloop – (Lewensles – moet nooit ooit die oorspronlike van enige dokument wat jou eiendom is aan enigiemand oorhandig, sonder dat die persoon of instansie vir jou ‘n kwitansie daarvoor uitreik nie).
Geskryf deur Butch van Blerk van Bill Tolken Hendrikse ingelyf, van Bellville in Kaapstad. butch@billtolken.co.za
6 Mei 2012
6 Mei 2012
1453 keer
gelees |
2 kommentaar
