Jy is hier: Kundiges / Vra-vir-faffa / Akwakultuur / Babers / Babers-europa

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 18:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Babers in Europa

Ingestuur deur Faffa op 5 Desember, 2011 - 08:54

Vraag

Iemand het aan my genoem dat ons babers ook in Europa (onder andere Nederland) vir akwakultuur gebruik word. Is dit werklik die geval?

Antwoord

Deur: DIONNE CRAFFORD

Met verwysing na “ons” babers neem ek aan dit is die gewone skerptand baber (Clarias gariepinus), wat algemeen natuurlik voorkom en ook hier (Suid-Afrika) gebruik word vir akwakultuur. Die visspesie het egter ‘n wye verspreiding en is nie net tot Suid-Afrika beperk nie.

Op die webwerf www.fishbase.org verwys hulle na die vis as “North African catfish” en gee die verspreiding as: “Africa: almost Pan-Africa, absent from Maghreb, the upper and lower Guinea and the Cape province and probably also Nogal province. Asia: Jordan, Israel, Lebanon, Syria and southern Turkey. Widely introduced to other parts of Africa, Europe and Asia”. Babers is egter nou al in sekere rivierstelsels in die Kaapprovinsie ook versprei…..

Wat my nog altyd fasineer is dat die visse ook natuurlik voorkom in lande soos Egipte (Nylrivier) en Israel soos hierbo vermeld. Legendariese figure soos Moses was dus vertroud met hulle en kanse is baie goed dat Jesus se dissipels ook dikwels babers saam met kurpers in hulle nette moes gevang het!

In Nederland word daar na baberagtige visse verwys as “Meerval”, byvoorbeeld die Europese baber (of dan die “Europese Meerval”, Silurus glanis). Interessant genoeg verwys hulle na Clarias gariepinus as “Afrikaanse Meerval”. Die visspesie word al sedert die jare tagtigs in Nederland “gekweek”. Na beraming word ongeveer 4000 ton per jaar geproduseer deur ongeveer 33 plase in Nederland.

In China word die visse blykbaar ook “verbou” in die ryslande, waar ek glo hulle inderdaad baie goed behoort te aard!

NS: Vir meer inligting oor babers, gaan loer gerus ook self by:

http://www.fishbase.org/Summary/speciesSummary.php?ID=1934&genusname=Clarias&speciesname=gariepinus&AT=clarias+gariepinus&lang=English)

http://www.fao.org/fishery/culturedspecies/Clarias_gariepinus/en

http://www.fishion-aquaculture.com/?page=34

Geskryf deur: Dionne Crafford. (crafford2@telkomsa.net)

5 Desember 2011