Gevaar van kopersulfaat in drinkwater
Ingestuur deur Onbekende besoeker op 5 Januarie, 2012 - 10:28
Vraag
Hoeveel kopersulfaat kan in ’n dam gegooi word om die alge groei te keer sonder om `n gevaar in te hou vir diere wat die water drink. Kan dit enige kopertekort by diere ook teenwerk?
Antwoord
Deur: DR. NEIL FOURIE
Kopersulfaat moet gereeld in damme gegooi word om alge te beheer.
Dit is 'n gevaarlike praktyk as die water deur diere gedrink gaan word of as die water op weidings gespuit word. Koper teen te hoё vlakke kan in diere se lewers aansamel. Dit kan ook die omgewing permanent besoedel. Skape veral, en spesifiek sekere rasse, is baie vatbaar vir 'n oormaat koper in die dieet of water. Koper bou op in die lewer totdat 'n gevaarlike vlak bereik word. Daarna word die koper uit die lewer vrygestel en dit veroorsaak dat die rooibloedselle bars. Skape kry daarna geelsug en vrek.
Ek sou geen kopersulfaat in water sit nie. Kontak 'n goeie igtioloog (viskundige) en vind uit watter visse kan jy in die dam sit wat die alge sal beheer.
Geskryf deur: dr. Neil Fourie, Toksikoloog (neil@nfourie.co.za)
Lees ook:
Addisionele dokument
- 1202 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Tans verskaf ons n tegnologie wat baie suksesvol algae in damme bestuur met behulp van n kombinasie patent van suurstiof en nie-ysterdraende metale waarvan koper een is. Die groot verskil van hierdie tegnologie is dat die insluiting van die verskillende vlakke elektronies beheer word. Dus word daar verseker dat die vlakke van byvoeging van alle nie-ysterdraende metale geskied teen vasgestelde wereldgesondheidsvlakke. Dit verseker dat die waterkwaliteit baie verbeter maar binne die toegelate perke. Ons het die tegnologie beproef in damme met geweldige hoe uitdagings van algae en reggestel in n periode van 4 weke. Ons het pas ook bewys dat die tegnologie uitstekend werk by die behandeling van biofilm in besproeiingstelsels. Binne n tydperk van 6 weke is alle drippers wat al vir n lang tydperk verstop was van algae/biofilm weer skoon en drip soos normaal. By golfbane waar daar n kombinasie van rioolwater gebruik word en waar sproeiers so verstop was dat hulle nie meer gefunksioneer het nie, het hulle begin draai in 5 weke en hardloop die sproeiers nou vir n tydperk van 5 maande sonder om skoon gemaak te word. Besoek ons gerus by www.waterenrichment.co (slegs .co nie .co.za)
Ek het ook 'n groot probleem met slik in my dam omdat die dam water voorsien aan my spilpunt en die slik dan die spuite verstop. Ek het koi sowel as karp visse ingegooi sonder sukses. 'n Buurman het my toe raad gegee om so paar sakke kunsmis in die dam te gooi, dit op te los en uit te spuit op die landerye. Tot nou toe lyk die dam baie skoner - hoop dit werk!
Het voorheen visse in my diere se drinkwaer gehad.bokke kry toe swere in hul borsholtes en vrek.laat van swere ontleet en die veearts deel my mee dat dit `n visvirus is .Maak alle visse dood in dam en het nou vir jare gladniemeer die probleem nie.Leef nou maar met die alge saam
In die ou dae is 'n lepeltjie kopersulfaat vir skape gegee om die slukgroef te laat sluit voor dosering van bv. fenpoeier. Sou graag wou weet hoeveel skape is dood gedoseer?
Kopersulfaat word nou nog deur sekere boere gebruik om waterslakke dood te maak. Weet ook van dierevrektes wat voorgekom het waar te veel kopersulfaat gebruik is.
My goeie vriend Jan van Hoopstad het my sy pragtige skoon sementdam gewys sonder alge. Hy gooi net 'n ou motorband daarin wat op/in die water dryf. Ek het dit dadelik by my kom doen en voorwaar dit werk verseker.
Kopersulfaat word nie slegs vir die beheer van alge gebruik nie, maar van die ouer praktyke was om dit ook teen neuswurm as 'n doseer middel in die krippe by diere suipings te plaas.
Lewer kommentaar. (Jy hoef nie ingeteken te wees nie.)