Vervoer van dragtige verse

Vraag:
Ek het 10 dragtige verse gekoop en moet dit nou na my plaas oor sowat 90 km grondpad vervoer. Ek het al iewers gelees dat dit nie goed is om dragtige diere te vervoer nie. Kan u my dalk raad gee in hierdie verband. - Elton G Heyman (HeymanE@mawrd.gov.na)

Antwoord:
As 'n mens na dragtige diere verwys is dit baie belangrik om te weet of die diere baie vroeg, of baie laat dragtig is. Dit is 'n baie spanningsvolle ervaring vir 'n bees om vervoer te word en so 'n vers sal groot hoeveelhede adrenalien en kortisone afskei tydens die vervoer. In die vroeë staduims van dragtigheid sal die embrio baie maklik onder sulke omstandighede verwerp en geabsorbeer word.

'n Swaar dragtige dier sal nie net as gevolg hiervan nie, maar ook as gevolg van die stampe en stote wat sy op die vragmotor kry, haar kalfie te vroeg laat kom. 'n Dragtige dier wat in midterm is, is oor die algemeen veilig om te vervoer.

25 Mei 2006