Jy is hier: Kundiges / Vra-vir-faffa / Beeste / Kalwerprobleme / Swak-kalf-wat-l

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 18:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Swak kalf wat lê

Ingestuur deur Onbekende besoeker op 20 Junie, 2010 - 19:26

Vraag

Ek is 'n eerstejaarstudent in dieregesondheid en ek sit met 'n kalfie wat drie weke oud is, maar gedurende die laaste twee weke, hewig verwaarloos is, wat tot 'n baie verswakte toestand gelei het. Dit is so erg dat die kalfie nie kan staan nie. Ek het haar al eiergeel, suiker en sout saam met die melk ingegee (sy suip al baie sterker) en ook 'n 15cc vitamiene aanvulling gespuit. Kan u asb. vir my enige verdere raad gee met betrekking tot wat ek kan doen? Soos ek verstaan het sy die eerste vier dae na geboorte wel bies ingekry. Ek vermoed 'n verswakte immuunstelsel. Ek sal dit waardeer as u my kan uithelp.

Antwoord

Deur: GERDIE LANDMAN

Jou vraag oor die voeding van ‘n swak kalf, is iets waarmee baie mense sukkel... die vraag is dus baie relevant! Teen die tyd dat jy hierdie antwoord lees, sal die kalf al ten volle herstel het of reeds gevrek het... jammer vir die stadige antwoord van my kant af. Ek het 'n besige tyd op die plaas gehad - soos dit is, skryf ek nou nadat ek van die melkstal af teruggekom het... dis nou 00:45 - na middernag...! Ons melk vir 22 uur per dag aan 1 800 koeie waarvan sommige koeie 3 keer en ander 2 keer per 24 uur gemelk word...

Onthou, ons vat die kalf weg van sy of haar natuurlike grootmaakmetode van aan die ma se speen suig... (Ek neem aan dis 'n suiwelkalf) Ons kan egter baie leer by die natuurlike manier van kalfgrootmaak deur 'n koei met haar natuurlike kalf ‘n paar uur dop te hou. Jy sal waarneem dat die konsep van "Bietjie, bietjie - kort, kort" suip gebruik word (by perde is dit nog meer opvallend) en daar is goeie rede daarvoor. Bietjie melk word met baie moeite gesuig en in die proses word speeksel vervaardig wat as buffer dien.

Die bietjie op 'n slag is ook belangrik sodat die klein melkpens nie oorvol raak en oorloop in die grootpens waar die oortollige melk vrot en maagwerk veroorsaak nie... as jy dus die tyd het en jy kan spesiale moeite doen, dan is die beste om nie meer as 500ml bottel te gebruik vir melk gee nie. As die kalfie 3 weke oud is, kan sy al maklik 3 tot 4 liter melk per dag drink... maar die geheim is "bietjie, bietjie - kort, kort"... dus 6 tot 8 half liter bottels met ‘n speen en klein gaatjie... sodat die speeksel skuim maak... dis goedkoop medisyne vir 'n kalf.

Jou plan om die melk sterker te maak met die aanvulling van eier is ook goed... ek predik altyd vir ons personeel - dis voedingstowwe wat 'n kalf laat groei, nie medisyne nie. Op daardie ouderdom sal 'n kalf ook reeds begin kalfaanvangspille vreet. Hoe jonger hulle dit leer vreet, hoe beter. Die kalf moet op 1 maand ouderdom minstens 180 gram proteїen per dag inkry. As ons aanvaar die melk is 3,5 liter @ 3,4% proteїen = 119 gram - dus nog minstens 61 gram proteїen kort... moet dit uit die kalfaanvangsmeel kom.

Dit is belangrik dat ‘n voorkomende entingsprogram noukeurig gevolg word. Dit is die beste praktyk om hierdie program saam met jou kuddeveearts op te stel.

Groetnis en sterkte met jou studies. Ons het mense soos jy in die suiwelbedryf nodig!

Geskryf deur: Gerdie Landman, Mooimelk Koeihotel (gerdie@koeihotel.co.za)

Web: www.koeihotel.co.za

20 Junie 2010