Verlamming na kalwing
Ingestuur deur Onbekende besoeker op 20 Januarie, 2012 - 15:59
Vraag
Die vers is styf en kan nie loop na ‘n swaar kalwing nie. Sy het sonder hulp gekalf, maar die kalf was reeds dood (36 kg). Dit lyk of die vers se een been styf is. Ek lig die vers op, maar sy staan styf agter en kan nie loop nie.Wat is die kans dat sy sal herstel? Sy het twee dae terug gekalf.
Antwoord
Deur: DR. FAFFA MALAN
Paralise (verlamming) na kalwing kom algemeen voor in verse wat ‘n moeilike geboorte gehad het. Aangetaste diere kan nie sonder hulp staan nie en as hulle staan, is die agterpote swak, agterbene swaai na buitentoe uit en het hulle probleme om die bene na die middelyn toe te bring. Daar is in die verlede gedink dat die oorsaak van verlamming beskadiging van die obturatorsenuwees is, maar nuutste navorsing het bewys dat die grootste oorsaak van verlamming beskadiging van die skiatiese senuwee is. ‘n Tipiese teken van hierdie kondisie is die oorbuiging van die kootgewrigte.
Die term kalwingsparalise word gebruik vir koeie en verse wat kort na kalwing in die agterlyf verlam is.
‘n Beskrywing van die “Downer cow” word gegee op die Cattle site:
Senuweebeskadiging tydens kalwing:
Hoe om ‘n kalwingsgeval te hanteer: http://pods.dasnr.okstate.edu/docushare/dsweb/Get/Document-5171/E-1006web.pdf
Kontak u veearts om u behulpsaam te wees met raad en om middels te verskaf wat die herstelproses sal versnel.
Indien die vers self kan staan, is die kanse goed dat sy volkome sal herstel.
Bron:
Radostis, O.M., Gay, C.C., Hinchcliff, K.W. and Constable, P.D. 2007. Veterinary Medicine. Elsevier.
Geskryf deur: dr. Faffa Malan, Veeartskonsultant (dokfaffa@nashuaisp.co.za)
21 Januarie 2012
Lees ook:
Addisionele dokument
- 356 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)