Jy is hier: Kundiges / Vra-vir-faffa / Beeste / Teling / Inteling / Soek-derde-ras-kruisteeltprogram

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 18:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Soek derde ras in kruisteeltprogram

Ingestuur deur Awie Burger op 26 April, 2010 - 19:46

Vraag

Ek boer met Bonsmara koeie en gebruik Beefmaster bulle. Ek is baie tevrede met die kalwers, maar dis nog nie my ideale bees nie. Na lang deurdagte keuses het ek op die Brangus en Simbra besluit, maar watter is die regte een, of is daar 'n ander ras? My ideaal is 'n gladde rooi koei met effe ore en genoeg melk en basterweelde wat optimaal benut word. Ek is opsoek na daai lekker boer-koei. Awie Burger

Antwoord

Deur: Dr. HANNES DREYER

Daar is hoofsaaklik twee redes waarom kruisteling toegepas word nl :

1) Die benutting van heterose (basterkrag) om bv. swaarder speenkalwers te produseer. Verbetering in produksie kan varieer vanaf 6 tot 12 %.

2) Aanvullende kruisings – waar twee rasse baie van mekaar verskil, kan kruisteling gebruik word om mekaar aan te vul bv. die kruising van Britse vleisrasse (wat gewoonlik vroeg geslagsryp is) met Indicus tipes (later geslagsryp, maar goeie aanpasbaarheid). Al vier die rasse wat u hier noem is tot ‘n meerdere of mindere mate op hierdie manier geskep.

U sê nie in watter gebied u boer nie en die kuddegrootte is ook nie bekend nie. Albei is noodsaaklike inligting om ‘n besluit oor kruisteling te neem. Algemeen gestel is kruisteling ‘n moeilike stelsel om mee te volhard en my aanbeveling sal wees om op een ras te konsentreer en binne die ras te selekteer vir u vereistes.

Die Bonsmara, Beefmaster en Brangus behoort aldrie vir u oorwegend “rooi” te teel, maar die Simbra sal vir u ook ander kleure inbring.

Geskryf deur: dr. Hannes Dreyer, Veekundige (hannesdreyer@vodamail.co.za)

26 April 2010