Jy is hier: Kundiges / Vra-vir-faffa / Beeste / Teling / Simmenthalers / Simbras-en-simmentalers

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 18:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Simbras en Simmentalers

Ingestuur deur SOLOMON THOMAS op 14 Maart, 2011 - 19:11

Vraag

Ek het onlangs 12 Simbraverse en ‘n Simmentalerbul aangekoop. Ek het nie baie kennis van die twee rasse nie. Kan julle vir my meer inligting oor die rasse en hulle kruising gee? Solomon Thomas

Antwoord

Deur: Dr. HANNES DREYER

Eerstens moet onthou word dat die Simbra uit die Simmentaler ontstaan (Simmentaler X Brahman). Daar is dus in werklikheid nie baie groot verskille tussen die twee rasse nie. Een van die redes waarom die Simbra geskep is, was om die “goeie” eienskappe van die Brahman (aanpasbaarheid in warm dele, gladde vel en haar, weerstand teen bosluise, ens. ) te voeg by die “goeie” eienskappe van die Simmentaler.

Tweedens glo ek dat ‘n mens boer met die ras waarvoor jy lief is en dat rasverskille nie so groot is dat dit hiervoor kan opmaak nie. Indien u met die Simmentaler wil aanhou, moet die volgende in gedagte gehou word :

1) Selekteer diere wat in u omgewing aangepas is indien u aankoop

2) Selekteer vir gladde haar diere

3) Vermy ongepigmenteerde diere

4) Volg ‘n goeie inenting- en doseerprogram (raadpleeg u naaste veearts en lees ook antwoorde op Vra vir Faffa oor hierdie onderwerp)

Indien u die Simmentalerbul op die Simbraverse gebruik, gaan u weer nageslag skep wat 75% Simmentaler en 25% Brahmaan het.

Ongelukkig weet ek nie wat die grootte van u plaas en /of kudde is nie en dit is moeilik om te bepaal watter van die rasse die beste sal wees. Ek wil aanbeveel dat u ‘n kundige kry om ‘n voervloeibeplanning te doen sodat die voerbehoeftes aangepas kan word by die beskikbare voerbronne.

Kontak ook die Simbra- en Simmentalertelergenootskappe wat aan u inligting oor hulle beeste kan verskaf. Indien dit enigsins moontlik is, woon Nampo by waar feitlik alle beesrasse ten toon gestel word en verteenwoordigers van die rasse u van inligting kan voorsien.

Geskryf deur: dr. Hannes Dreyer, veekundige (hannesdreyer@vodamail.co.za)

13 Maart 2010