Effek van swembadwater op beeste
Ingestuur deur Onbekende besoeker op 23 Februarie, 2012 - 05:32
Vraag
Ek het ‘n paar dragtige Brahmankoeie wat op huurgrond loop. Ek het hulle
onlangs verskuif na ‘n nuwe huurplaas. My vraag is: op die plaas is ’n swembad
en ek merk dat die beeste water uit die swembad suip. Die swembadwater is baie
skoon. Ek is bekommerd of die chloor ‘n nadelige effek op die koeie kan hê.
Daar is natuurlike water asook ‘n krip met boorgatwater. Ek dink hulle drink
slegs die swembad water as hulle ver van die ander waterbronne is.
Antwoord
Deur: DR. NEIL FOURIE
Die swembadwater is baie skoon omdat daar 'n chemiese stof in is om alg- en bakteriёle groei te stop. As dit chloor is, behoort dit geen effek op die beeste te hê nie. Ons drink elke dag water wat met chloor behandel word.
Indien daar koper in die swembadwater gevoeg word, moet ons versigtig wees. Die soort beeste waarmee jy boer, is nie vatbaar vir redelike vlakke van koper nie. Skape en Jerseys is vatbaar vir chroniese aansameling van koper. Daar is ook swembaddens wat met gewone sout behandel word om die water skoon te hou en dié water sal ook skadelik wees.
Maak dus seker wat in die swembad gebruik word om die water skoon te hou.
Geskryf deur: prof. Neil Fourie, Toksikoloog (neil@neilfourie.co.za)
22 Februarie 2012
Geelsiekte (kopervergiftiging)
Addisionele dokument
- 597 keer gelees
Geborgde skakels
Daaglikse nuusbrief
Weeklikse nuusbrief
Teken In
E-pos forum
Gewildste stories
Immergroen stories
Alle regte voorbehou. © Landbou.com 2011. In Suid-Afrika gepubliseer deur Media24
Web Development by FormFunction
Kommentaar
Lewer kommentaar. (Jy hoef nie ingeteken te wees nie.)