Jy is hier: Kundiges / Vra-vir-faffa / Beeste / Voeding / Spoorelemente / Kombinasie-van-multimin-se-plus-vitamien-ade

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 18:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Kombinasie van Multimin Se plus Vitamien ADE

Ingestuur deur Onbekende besoeker op 18 Augustus, 2011 - 21:45

Vraag

Spuit jy Multimin Se en Vitamien ADE in kombinasie? Moet dit altyd geskied, nooit of net onder sekere omstandighede vir beeste, skape en bokke?

Antwoord

Deur: DR. WILLIE SMITH

MULTIMIN vul betekenisvolle hoeveelhede sink en selenium aan terwyl vitamine ADE betekenisvolle hoeveelhede vitamine A en D aanvul en baie min vitamine E. Vitamine E word gewoonlik slegs as preserveermiddel in die produkte ingesluit en is te min om werklik as aanvulling gereken te word.

Vitamine D₃ word in diere gevorm vanuit 7-dehidrocholesterol en ultravioletbestraling van die dier se vel. Suidelike Afrika het ‘n oorvloed sonlig en behalwe vir diere wat deurgaans behuis word, het vryweidende diere, wat meer as 3 ure per dag in sonlig deurbring, geen ekstra vitamine D aanvulling nodig nie. Dit is meesal totaal onnodig om plaasdiere in Suidelike Afrika met vitamine D aan te vul.

Die sterk sinergistiese werking tussen vitamine E en selenium is bekend en hoewel algemeen aanvaar word dat selenium die meeste Vitamine E funksies kan oorneem, kan dit nie alle funksies oorneem nie, met ander woorde diere het selenium sowel as vitamine E nodig. Groen veldgras, groen aangeplante weidings en kleingrane is die beste bronne van vitamine E.

Die sterk sinergisme tussen vitamine A en sink is waarskynlik die belangrikste vir vryweidende plaasdiere in Suidelike Afrika omdat Suidelike Afrika baie sinkarm is en ons lang, droë winters tot ernstige vitamine A tekorte in die somerreënvalgebiede lei asook gedurende die droë somers van die Wes Kaap. Sink en vitamine A is interafhanklik en moet saam in genoegsame hoeveelhede teenwoordig wees om goeie gesondheid en normale liggaamsfunksies in groeiende/reproduserende plaasdiere te verseker.

Skape, bokke en vleisbeeste wat op groen somerveld en/of groen aangeplante weidings wei behoort voldoende vitamine E en beta karoteen, die voorloper van vitamine A in te neem.

Aanbevelings:

In die somerreënvalgebiede moet vleisbeeste, skape en Angorabokke altyd vitamine A+E gedurende laat-winter (Julie/Augustus/September) saam met MULTIMIN gespuit/gedoseer word en in die wintereënvalgebiede gedurende die laat-somer (Februarie/Maart/April).

By melkbeeste moet vitamine A+E altyd saam met MULTIMIN gespuit word, veral vier weke voor opdroog, vier weke voor kalf en vier weke voor K.I. Melkbeeste se behoefte aan spoorelemente en vitamine is hoër, veral gedurende die droë periode en net na kalf.

Vra asseblief ook altyd die Veearts en Veekundige in u omgewing vir ‘n aanbeveling. Landbougebiede verskil en die plaaslike kundiges se ondervinding en aanbevelings is van uiterste belang.

Geskryf deur: dr.Willie Smith, Voedingskundige, (williesmith@iafrica.com) Sel: 0824482737

16 Augustus 2011