Jy is hier: Kundiges / Vra-vir-faffa / Beeste / Voeding / Spoorelemente / Redes-vir-swak-kalfpersentasie-van-beeste

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 18:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Redes vir swak kalfpersentasie van beeste

Ingestuur deur Onbekende besoeker op 26 April, 2011 - 18:16

Vraag

Ek is 'n beesboer in die Gobabisdistrik in Namibiё en het sowat 200 aanteelkoeie. Die kudde bestaan uit Bonsmara, Simmentaler en Brahmankruisings. Die kalfpersentasie is swak (47%). Vir die afgelope 3 jaar het ek my bulle vir vrugbaarheid laat toets en die resultaat was dat hulle vrugbaar is. Die koeie word ook met Multimin 30 dae na kalwing gespuit en ek gee hulle ‘n fosfaatlek. Daar is 60 dragtige koeie wat in September gaan kalf en dan is dit baie droog. Kan u asb. vir my 'n voerresep gee om hulle kondisie te laat optel sodat hulle weer op hitte kan kom asook dat hulle genoeg melk vir hulle kalwers het. Groete, Munro

Antwoord

Deur: MARNUS DE JAGER en DR. DIETMAR HOLM

‘n Goeie kalfpersentasie is die resultaat van verskeie faktore wat reg bestuur word. As net een van hierdie faktore nie in plek is nie, dan is daar ‘n daling in die persentasie. Twee faktore wat ‘n groot rol speel is voeding en siektebeheer.

Voeding: Mens kry net uit ‘n bees uit, wat mens in hom insit. Gobabis se wêreld het goeie kwaliteit weiding, maar ongelukkig is kwantiteit ‘n probleem sekere tye van die jaar. Verseker dat die drakrag van die weiding nie oorskry word nie. As daar met tye tekorte is, moet u vroegtydig ekstra voeding begin gee. Dit is goed dat die beeste ‘n fosfaataanvulling kry, maar in die winter benodig hul ‘n aanvulling van proteïen en energie. In die vroeë winter behoort ‘n winterlek wat hoog is in proteïen (500g/kg) genoeg te wees. Wanneer die koeie kalf, kan hul op ‘n produksielek gesit word, dit het laer vlakke proteïen, maar is hoër in energie. Die lek moet vir die koeie gegee word tot ten minste ‘n maand na die eerste goeie reёn wanneer die natuurlike weiding weer voedsaam is. Daar is goeie kommersiële lekke beskikbaar. U moet kyk wat u koeie vir u sê: maer koeie kan nie weer dragtig word nie, of goed vir hul kalwers sorg nie. Sodra koeie vinnig gewig verloor of maer is, moet hul ekstra voeding kry. ‘n Ander opsie wat u kan oorweeg, is om u kalftyd later te maak sodat die koeie kalf wanneer die weiding goed is.

Siektes: Daar is baie siektes wat die reproduksie van ‘n koei kan affekteer soos trigomoniase, besmetlike misgeboorte, campylobacteriose en nog ander. Dit is krities om u kudde te laat toets om te verseker dat een van hierdie siektes nie die oorsaak van die lae besettingsyfer is nie. Nader u veearts om raad te kry oor hoe u kudde getoets kan word en om ‘n entingsprogram in plek te kry.

Daar is ander faktore wat ek nie nou bespreek nie soos koeiseleksie, mikrominerale (Multimin word 4 weke voor paring en weer voor kalwing toegedien) en stresfaktore. Hul speel egter gewoonlik ‘n kleiner rol in onvrugbaarheid en dit is belangrik om eers die ander, soos hierbo genoem in plek te kry.

Geskryf deur: Marnus de Jager, Finalejaar Veeartsenykunde student en dr. Dietmar Holm BVSc,MSc(Vet), Fakulteit Veeartsenykunde, Universiteit van Pretoria (dietmar.holm@up.ac.za)

26 April 2011