Boerdery met Boschveldhoenders

Ek het 25 Boschveldhenne en 2 Boschveldhane wat ek in twee groterige hokke agterin my erf aanhou. Ek het die hane geskei met elk 'n klompie henne. Die hoenders is nou ongeveer 18 maande oud en ek gebruik hulle hoofsaaklik vir eiers. Ek voer hulle chicken mix (mieliegruis en sonneblom) en laying mash. Ek gee hulle ook elke dag ‘n handvol groen radyslobbe wat ek spesiaal in my tuin vir hulle kweek. Dis goedkoop, groei maklik en die hoenders geniet dit. Ek gee geen innokulasies of ekstra vitamiene by nie. - Van die henne se rugvere val nou uit en hulle rûe is nou ontbloot. Is dit 'n probleem en wat is die rede? Is dit dalk vlooie of luise? Ek maak hul hokke een keer per week skoon - Kan ek karbadust op hulle strooi as hulle snags slaap? Moet ek ook onder die vlerke ingooi? - Ek wil graag kuikens van die een haan kry en daar is twee henne wat pal op die eiers bly lê. Ek haal maar die eiers so onder hulle uit. Kan ek eiers van die spesifieke haan se hok saam met een van die henne in 'n aparte hok sit en dit laat uitbroei?

 

24 April 2012

773 keer gelees | 0 kommentaar