Jy is hier: Kundiges / Vra-vir-faffa / Grond-plante-en-plae / Bome / Benutting-van-bloekombos

Nuus

Ná jare se beplanning en maande se wag het die SKA-organisasie aangekondig dat Suid-Afrika en Australië dié teleskoop sal deel.

Lekkerlees

My Weer

Kaapstad

Vrydag
Kans op reën
Hoog:18 C
Laag:10 C

Saterdag
Kans op reën
Hoog:19 C
Laag:9 C

Sondag
Sonskyn
Hoog:19 C
Laag:7 C

Sonsopkoms: 7:38

Sonsondergang: 17:46

Kaapstad

Bygewerk:	25 May 20:00 IDT
Temp:
Druk:
Doupunt:
Humiditeit:	88%
Wind:

Kaapstad

Peiling

Benutting van bloekombos

Ingestuur deur Onbekende besoeker op 21 Februarie, 2011 - 13:59

Vraag

Ek het `n 20 hektaar bloekombos wat ek wil uitsaag. Moet ek kundiges kry om `n inpakstudie te doen of kan ons maar saag? Ek het gehoor van mense wat die hout wil gebruik vir houtskaafsels vir hoenderhokke wat dalk my projek kan finansier.

Antwoord

Deur: Dr. VICTOR WHITLOCK

‘n Aantal bloekomspesies word as Kategorie 2 indringerplante geklassifiseer. Hierdie lys sluit die volgende spesies in: Eucalyptus camaldulensis (rooi bloekom), E. diversicolor (karie), E. cladocalyx (suiker bloekom), E. grandis (saligna) (saligna bloekom), E. lehmannii (spinnekop bloekom), E. paniculata (grys ysterbas bloekom) en E. sideroxylon (swart ysterbas bloekom).

Volgens die Wet op Bewaring van Landbou Hulpbronne (Wet 43 van 1983) word Kategorie 2 indringers gedefinieer as “ Kategorie 2 plante mag nie voorkom op enige grond of op enige binnelandse wateroppervlak, behalwe in ‘n afgebakende gebied of biologiese beheerreservaat nie”.

Ek weet nie watter spesie in die bos is en of daar dalk meer as een soort is nie, maar dis onwaarskynlik. Die bos kan in gevolge die Wet uitgeroei word sonder enige toestemming of verdere aksies.

Die probleem is egter dat die bos nie uitgeroei sal word deur net die bome af te saag nie. Elke stomp wat oorbly, sal weer uitloop en meer as een stam vorm. Om permanent van die bome ontslae te raak, moet die oorblywende stompe met een van die geregistreerde middels behandel word.

Dit is interessant om te sien dat die Wet, onderhewig aan sekere vereistes, voorsiening maak vir subsidieskemas om indringerplante te verwyder, veral waar die habitat van die natuurlike plantegroei bedreig word soos in grasvelde en by ander sensitiewe biome.

Die Wet word deur die Departement van Landbou geadministreer en jy kan verdere inligting bekom by tel. 012 356 9800.

Geskryf deur: dr. Victor Whitlock, landboukundige (whitlockv@yahoo.com)

21 Februarie 2011